डा. सिके राउत हथकडीमै अस्पताल !

जनकपुरधाम, २० पुस । स्वतन्त्र मधेश गठबन्धनका सँयोजक डा. सिके राउतलाई उपचारको लागि काठमान्डौँ लगिएको छ ।

अगलै मधेश राष्ट्रको माग गर्दै आएका डा. राउतलाई झण्डै तीन महिनादेखि थुनवामा राखिएको छ । उनलाई राज्य विप्लव तथा राज्य विरुद्धको संगठित अपराध मुद्दामा पूर्वपक्षको लागि विगत ३ महिनादेखि नै थुनुवामा राखिएको हो ।

केही दिन पूर्वदेखि उनको स्वास्थ्य अवस्थामा गडबडी तथा विरामी भएपछि उनलाई उपचारको लागि काठमान्डौँको सेन्ट्रल जेल सुन्धारामा राखिएको हो । बुधबार दिउँसो नै सुन्धाराको सेन्ट्रल जेलमा राखिएका उनलाई झण्डै दुई दिनपछि मात्र उपचारको लागि चक्रपथ स्थित रहेको महाराजगँज टिचिँग हस्पिटलमा उपचारको लागि लगिएको थियो ।

३/३ महिना कुनै थुनुवालाई पुर्वपक्षकै लागि हिरासत भित्रै राख्न नपाउने कानुन रहेको भन्दै उनका समर्थकहरुले उनलाई यातनाकै दृष्टिकोणले त्यस्तो गरिएको आरोप समेत लगाएका छन् ।

उनको पेटमा पथरीको समस्या रहेको बताइएको छ । उनलाई शुक्रबार दिउँसो हातमा हतकडी सहित नै उपचारको लागि बेडमा राखिएको भन्दै उनका समर्थक तथा गठबन्धनले आपत्ति जनाएको छ । उपचारको क्रममा पनि मानवता जस्तै व्यवहार नगरेको भन्दै उनीहरुले आपत्ति जनाएका हुन् ।

डा. सिके राउतको उपचारकै लागि रौतहट जिल्ला प्रहरीको हिरासतबाट काठमान्डौंको सुन्धरा स्थित रहेको सेन्ट्रल जेलमा लगिएको जनाइएको छ । यस अघि बुधबार डा. राउतलाई अपमानीत गर्ने मनसायका साथ प्रहरीले जेल बाहिर करिब ३०० मिटर बाहिर निकालेर हातमा हथकडी लगाउँदै परिक्रमा गराउनुका साथै उनलाई जेलभित्र पनि पररिक्रमा गराएको आरोप गठबन्धनले लगाएको छ ।

गत असोज २१ गते नै रौतहट जिल्ला अदालतमा यही मुद्दाको तारेख लिन जाँदा रौतहट प्रहरीले उनको ४ वर्षिय छोरीसँगै उनलाई पक्राउ गरी हिरासतमा राखेको थियो । राज्य विरुद्धको संगठित अपराध तथा राज्य विप्लवको मुद्दा उपर कारवाही अदालतमा चलिरहेको छ ।

३/३ महिना कुनै थुनुवालाई पुर्वपक्षकै लागि हिरासत भित्रै राख्न नपाउने कानुन रहेको भन्दै उनका समर्थकहरुले उनलाई यातनाकै दृष्टिकोणले त्यस्तो गरिएको आरोप समेत लगाएका छन् ।