सिरहाका ४ पानी उद्योगमा शिलबन्दी

न्यूज ब्यूरो, सिरहा । सिरहाका चार पानी उद्योगमा शिलबन्दी गरिएको छ । खाद्य प्रविधि तथा गुणनियन्त्रण कार्यालय राजविराजले प्रशोधित पिउने पानी निर्देशिका २०७४ बमोजिमको मापदण्ड पूरा नगरेका सिरहाका चार उद्योगमा शिलबन्दी गरेको हो ।

गोलबजार ७ चोहर्वाका इन्दीरा जल, आनन्द जल, गोलबजार ६ का कमलामाई पानी उद्योग र गोलबजार ६ मै रहेको सीता हेल्दी कुलिङ वाटर इण्डष्ट्रिज मापदण्ड विपरित संचालन गरेको पाइएपछि शिलबन्दी गरेको अनुगमन टोलीले जनाएको छ ।

घरेलु उद्योग कार्यालय लहान र उपभोक्ता हित संरक्षण मञ्च सिरहाका प्रतिनिधि समेतको सहभागितामा भएको अनुगमनका क्रममा उद्योगहरु मापदण्ड नपुगेको र न्यूनतम सरसफाई समेत नपाईको खाद्य प्रविधि तथा गुणनियन्त्रण कार्यालय राजविराजका प्रमुख शुरेस कुमार सिंहले बताए ।