मधेशलाई स्वास्थ्य क्षेत्रमा नुमना बनाउँछौ : मन्त्री साह

जनकपुरधाम, १२ पुस । प्रदेश नं. २ का समाजिका विकास मन्त्री नवल किशोर साहले प्रदेशलाइए लाई स्वस्थ्यको क्षेत्रमा नमूना प्रदेश बनाउन जिम्मेवारी हेल्थ असिस्टेन्ट कर्मचारीहरुको रहेको बताएका छन् ।

विहिवार जनकपुरधाममा हेल्थ असिस्टेन्ट संघ नेपालद्वारा आयोजित ‘प्रदेशस्तरीय भेला तथा अन्तरक्रिया’ कार्यक्रमम मन्त्री साहले सो कुरा बताएका हुन् । उनले प्रदेश २ को स्वस्थ्यकर्मी साथीहरु देशभरि भएपनि आफ्नै प्रदेशमा स्वस्थ्य सेवा दिन कमजोर परेको औल्याउँदै ‘यो प्रदेशमा स्वस्थ्यको डाटा हेर्ने हो शिशु मृत्युदरबाट स्पष्ट हुन्छ । शिशु मृत्युदरले यो प्रदेश स्वस्थ्य क्षेत्रमा निक्कै पछाडि परेको स्पष्ट देखिएको हो ।’ भने ।

मन्त्री साहले हेल्थ असिस्टेन्टहरुको हकहितका लागि प्रदेश सरकार काँधमा काँध मिलाएर चल्ने तयार रहेको भन्दै इमान्दारी पूर्वक बिरामीहरुको सेवामा लाग्न आग्रह पनि गरेका छन् । उनले राम्रो संगठन बनाएर यस प्रदेशलाई स्वास्थ्य क्षेत्रमा राम्रो पहिचान बनाउन आग्रह पनि गरेका छन् ।

त्यस्तै, सप्तरी संघ नेपालका कार्यवाहक अध्यक्ष वीरेन्द्र यादवले कार्यपत्र प्रस्तुत गरेका छन् । उनले कार्यपत्रमा संघको उद्देश्य, नेपालमा स्वास्थ्य जनशिक्तको अवस्था, व्यवस्थापन तथा सेवा प्रवाह सम्बन्धी जानकारी गराएका छन् ।

भेला तथा अन्तरक्रिया कार्यक्रममा आठवटै जिल्लाका पदाधिकारीहरुको सहभागिता रहेको छ । प्रथम प्रदेश स्तरीय भेला तथा अन्तरिक्रया कार्यक्रमबाट घोषणापत्र समेत तयार गर्ने केन्द्रिय सदस्य दीपेन्द्र खड्काले बताएका छन् । कार्यक्रममा प्रदेश नं. २ का स्वास्थ्य निर्देशनालयका निर्देशक प्रमोद यादव सहितले आ आफ्ना धारणा राखेका थिए ।