दोहा कत्तारबाट साँसद अरगरियाले भने, 'डा. सिके राउत र राममनोहरसँग न्याय हुन्छ'

दोहा कत्तार, ७ पुस । संघीय नेपालका साँसद उमा शंकर अरगरियाले डा. सिके राउत र प्रहरी हिरासतमा मृत्यू भएका राम मनोहर यादवसँग न्याय हुने बताएका छन् ।

नेपाली कामदारहरुको समस्या बुझ्न कत्तार पुगेका धनुषा क्षेत्र नं. २ बाट प्रतिनीधिसभा सदस्य समेत रहेका नेता अरगरियाले मधेशमा मानव अधिकार उलंघनको घटनाहरु दिनानुदिन बढदै गएको भन्दै त्यसलाई सरकारले नियालिरहेको र यसलाई परास्त गर्ने प्रतिवद्धता जाहेर गरे ।

संघीय समाजवादी फोरम नेपालका प्रमुख सचेतक समेत रहेका नेता अरगरियालाई कतारमा रहेका मधेसी मूलकाका नेपाली युवाहरुले मधेशको समस्या उपर राखेको अन्तरक्रिया कार्यmक्रममा सहभागीता जनाउँदै यी कुराहरु उपर बहस चलेको थियो । शुक्रबार २१ दिसम्बर दोहाको एसियन टाउन (ग्रेण्ड मल) मा मधेसी युवाहरुले मधेशको समस्या सम्बन्धि अन्तरक्रिया कार्यकर्म गरेका थियो।

सो अन्तरक्रिया कार्यक्रममा मधेशी युवाहरुले मधेशी अभियन्ता राम मनोहर यादवको पुलिस हिरासतमा हत्या गरिएको तथा अहिले ४ महिना हुन् लागेपछि अहिले सम्म सरकारले उनको शव परिवारजनलाई नदिई हत्याको उचित छानबीन पनि नगरीएको भन्दै दुःख प्रकट गरेका थिए । यसका साथै उनीहरुले सहिद घोषण नगरेको र परिवारलाई क्षतिपूर्ति समेत नदिएको गुनासो सासंद अरगरियासंग राखेका थिए।

डा. सीके राउत र उनका कार्यकर्ताहरुलाई बिना कारण जेल चलान गरेको तथा धरौटीको नाममा लाखौं रकम माग गरेको प्रति पनि मधेशीयुवाहरुले सासंद उमाशंकर अरगरियासंग गुनासो गरेका थिए। मधेशमा धेरै मानब अधिकार हननका घटना भएको गुनासो पनि गरेका थिए।

अन्तरक्रिया कार्यक्रममा सहभागी युवाहरुको प्रश्न र जिज्ञासा उपर बोल्दै साँसद अरगरियाले भने, हामीहरुले सबै मधेशी र नेपालीको कल्याणका लागि काम गर्दैछौ र यस्ता मानब अधिकार हननको घटना प्रति दुःख व्यक्त गर्दछु । लोकतन्त्रमा सबै नेपाली मधेशीलाई आफ्नो विचार स्वन्त्रत पुर्वक राख्न नेपालको संविधानमै व्यवस्था गरिएको छ र नेपालको संबिधानमै स्वन्त्रत पुर्वक संगठन खोल्ने व्यवस्था गरिएको छ।

उनले भने, कतार भ्रमण आएको दिन देखि नै बिभिन्न संघ संस्था संग औपचारिक अनौपचारिक रुपमा भेटघाट र समस्याहरु बुझने प्रयास गर्दै गर्दा खेरि सबै भन्दा पिडित मधेशी समुदायलाइ नै देखेको बताए । नेपालमा पनि सबै भन्दा पिडित मधेशी र विदेशमा पनि सबै भन्दा पिडित मधेशी समुदाय नै रहेको बताएका थिए ।

सरकारबाट उपेक्षित मधेशी समुदायसँग न्याय गर्नको लागि मधेश सरकारले ल्याउने गरेको विभिन्न कार्यक्रमहरुका मधेशी मूलका युवाहरुलाई प्रत्यक्ष सहभागीत गराउने बताउँदै उनले केही दिनमै प्रदेश नं. २ मा प्रहरी एने लागु गरि मधेशी प्रहरी भर्ना गर्ने प्रतिवद्धता समेत जाहेर गरे ।

कार्यक्रमको सँचालन चन्द्रबिर कुमार यादवले गरेका थिए भने कार्यक्रमको सुरुवातमा परिचयपात्र गरी सहीदहरुप्रति श्रद्धांजलि व्यक्त गर्दै मौन धारण समेत गरिएको थियो ।

सो अन्तरक्रिया कार्यक्रममा बक्ताहरुले मधेशका बिभिन्न मुदामा आ आफ्नो बिचार प्रस्तुत गरेका थिए। उपस्थित सबै सदस्यहरुले मधेशका मुद्दा सम्बन्धित प्रश्नहरू गरेका थिए र अन्तयमा सासंद उमाशंकर अरगरियाले आफ्नो बिचार राखे र बक्ताहरुले उठाएका प्रश्नको जवाफ दिएका थिए।

यस कार्यक्रमको आयोजना तथा व्यवस्थापन जितेंद्र कुमार महतो, सरोज प्रसाद शाह, जागत लाल मंडल र दिवाकर कुमार झाले गरेका थिए। यस अन्तरक्रिया कार्यकर्मको अध्यक्षता भने शिव कुमार पालले गरेका थिए।