जनकपुरमा प्रेमविवाह गरेकी एक युवति आफ्नै शरिरमा किन लगाईन् आगो ?

न्यूज ब्यूरो, जनकपुरधाम । जनकपुरमा एक युवति आफ्नै जिउमा आगो लगाएपछि गम्भिर घाईते भएकी छन् ।

जनकपुरधाम उपमहानगरपालिका वडा नंं २ विद्यानगर बस्दै आएकी अन्दाजी बर्ष २१ की नाम नखुलेकी युवतिले आफ्नै जीउमा मट्टितेल खन्याएर आगो लगाएपछि गम्भिर घाईते भएकी हुन् ।

जनकपुरको जलादपुल नजिकै स्थानीय मोहन झाको घरमा डेरा लिई बस्दै आएकी ती युवतिले खाना खाएर सुत्न जाने बेलामा घर थुनेर आफ्नै जीउमा मट्टितेल खन्याएर आगो लगाएपछि पुरा शरिरको छाला जलेका हुन् ।

भागेर प्रेम विवाह गरेकी ती युवतिको अन्दाजी वर्ष २४ को नाम नखोलका श्रीमानसँग आन्तरिक झगडा भएपछि आवेगमा आएर आफ्नै जीउमा आगो लगाएकी प्रत्यदर्शीहरुले बताएका छन् । खाना खाएर सुत्ने बेलामा बुधबार राती करिब ११ बजेर १५ मिनेटमा उनले आफ्नै जीउमा आगो लगाएर चिच्याएपछि आसपासका मान्छेहरु बचाउको लागि तत्कालै दौडेका थिए ।

घरको चुकुल लगाएर जीउमा आगो लगाएकी ती युवती घरभित्रै लडेकी थिइन भने छिमेकीहरुले ढोका फोडेर उद्धार गरेको थियो । जनकपुरको जलादपुल नजिकै ठेलामा फलफूल बेच्दै आएकी युवतिको गर्भमा बच्चा समेत रहेको र २ ४ दिनपछि डेलिभरी हुने अवस्थामा आगो लगाएपछि झन पीडा भएको छ ।

डेढ वर्षकी एक छोरी समेत उनको काँखमा रहेकी छन् । उनको श्रीमान् भने कमाई गर्न केही दिन यता काठमान्डौँ बस्दै आएका थिए भने केही दिन अघि मात्र जनकपुर आएका थिए । परिबारबाट भागेर प्रेम विवाह गरेका यी जोडीले कसैलाई पनि सही नाम, ठेगाना भने बताएका छैनन् ।

प्राथमिक जानारी अनुसार, युवक विरगँज तर्फको रहेका छन् भने युवति महोत्तरीको औरहीकी रहेकी छन् । तर उनीहरुले कसैलाई यथार्थ जानकारी नदिएर लुकीछिपी बस्दै आएकोले सही नाम, ठेगाना यकिन गर्न नसकिएको हो ।

उनलाई तत्कालै धनुषा प्रहरीको सहयोगमा एम्बुलेन्स मार्फत जनकपुर अञ्चल अस्पताल पुरयाइएको थियो । यता, आगो लगाउनुको कारण भने युवतिले खोलिनन् । उनको उपचार जनकपुर अञ्चल अस्पतालमा भईरहेको तथा यहाँबाट काठमान्डौँ रिफर गर्ने तयारी गरिएपनि ती जोडीसँग आर्थिक अवस्था पूर्णतः दयनीय रहेकोले उपचारमा समेत असहजता भएको छ ।