तराई-मधेशमा शितलहर सुरु, तापमान १६ डिग्रीमा झरयो

न्यूज ब्यूरो, जनकपुरधाम । पुस मसान्त चढे लगत्तै तराई मधेशमा दुई दिन यतादेखि शितलहर सुरु भएको छ ।

बुधबार जनकपुर लगायत आसपाका क्षेत्रको तापक्रम १६ डिग्री सेल्सीयस मापन गरिएको छ । तराई मधेशमा शितलहर सुरु भएलगत्तै सर्वसाधारणहरुको जनजीवन प्रभावित भएको देखिएको छ ।

दैनिक ज्यालादारीमा काम गर्ने गरिब विपन्नहरुको कामकाजमा समेत प्रभावित भएको छ भने विहानको शिफ्टमा विद्यालय जाने बालबालिकाहरुमा समेत शितलहरको प्रभाव देखिएकोछ ।

प्रत्येक वर्ष पुस मसान्त चढे लगत्तै तराई मधेशमा शितलहर सुरु हुन्छ भने प्रत्यके वर्ष नै कैयौँ व्यक्तिले जाडोका कारण ज्यान गुमाएको तथ्याँक छ । शितलहरमा बुढापाखाहरुको घर बाहिर निस्कनु अनुपयुक्त भएको देखिएको छ ।

शितलहर सुरु भएपछि बाक्लो हुस्सुका कारण सामुदायिक सहित नीजि विद्यालयहरुले समेत जाडो विदा घोषणा गर्दै आएको छ । अहिले शितलहर सुरु नै भएको तथा त्यतिको प्रभाव नपार्ने भएकोले अहिले विद्यालयमा जाडो विदा केही दिनपछि मात्र दिने जनाइएको छ ।

शितलहर सुरु भएलगत्तै ठाउँ ठाउँमा दाउरा बालेर (घुँर) शरिरको ताप व्यस्थापन गरिएको देखिन्छ ।