जनकपुरमा नक्कली नागरिकता बनाउने ग्याँगका 'मास्टरमाईण्ड'- रोशन !

न्यूज ब्यूरो, जनकपुरधाम । थापथलो सहित कयौं पुस्ता गुजारेका केहि नेपाली नागरिक समेत नागरिकता पाउन सकेका छैनन् । दकहिले नागरिकता पाइएला र वैद्य नेपाली नागरिक हुने हो भन्ने चिन्ता छ । नागरिकता न हुँदा सरकारी सेवा सुविधा लगायत धेरै कामहरु गर्नबाट बञ्चित छन् । र तनावको जीवन बाँचिरहेका छन् । उनीहरु घर नघाटका भएका छन् । यस्तै उदाहरणको रुपमा कतिपयले २०६३ र २०७० को नागरिकता टोलीबाट नागरिकता पाउन सफल भएपनि जन्मको आधारमा जन्मसिद्ध नागरिकता प्राप्त गरेका छोराछोरी अहिले नागरिकता पाउनबाट बञ्चित छन् । र हजारौ नेपालीका सन्तान उच्च शिक्ष हाँसिल गर्नको साथै वैदेशिक रोजगारीमा जानबाट बञ्चित छन् । नागरिकताबाट बञ्चित उनीहरुलाई ‘आकाशको फल आँखातरी मर’ भन्ने उखान जस्तै भएको छ उनीहरुको जीवन । अर्थात नागरिकता पाउनु असम्भव जस्तै भएको छ उनीहरुलाई ।

तर धनुषामै एउटा यस्तो गिरोह फेला परेको छ । जुन गिरोहको लागि नागरिकता तुच्छ समान हो । अर्थात पुस्तक पसलमा विक्रि हुने र किन्न पाउने कुनै कापी कलम जस्तो । नागरिकता जस्तो अति सम्वेदनशील कुरा ।

जुन गैरनेपाली नागरिकले पाउनै असम्भव कुरा, सम्भ गर्ने गिरोहकै एक नायक हुन् धनुषाको जनकपुरधाम उपमहानगरपालिका रुपैठा बस्ने विद्यानन्द चौधरीका छोरा वर्ष ३१ का रोशन चौधरी । उनको लागि पैसा भए नागरिकता कागजको खोस्टा जस्तै थियो विगत १२ वर्षदेखि । जसले पनि पैसा तिरेर लिन सक्ने । जति बेला किन्न सकिने । र गैर नेपाली नेपालको नागरिक हुन सक्ने । यो धन्दा रोशनले वि।स।२०६३ सालको नागरिकता टोली गएको बेलासंगै सुरु गरेका थिए ।

बुबा सरकारी सचिव पेशामा भएका कारण उनलाई यस्तो धन्दा गर्न सहज भएको थियो । उनका पीता तीनवर्ष अघि अवकास प्राप्त भइसकेका छन् । स्थानीयका अनुसार वि.स. २०६३ र २०७० को नागरिकता वितरण गर्ने टोलीमा खटेका जिल्ला प्रशासन कार्यालय धनुषाका केहि कर्मचारीहरु पैसा खाँदै उनलाई त्यो धन्दामा धेरै सघाउँदै आएका थिए । जसको कारण रोशन जनकपुरकै एक । दुई स्थानमा डेरा लिएर एउटा सानो कोठामै जिल्ला प्रशासन कार्यालय चलाउँदै आएका थिए ।

जुन डेराको नक्कली जिल्ला प्रशासन कार्यालयबाट नागरिकता, राहदानी, सिफारिस, प्रमाणित, बसाई सराई, जन्मदर्ता, मृत्यु दर्ता लगायतको काम गर्दै आएका थिए रोशन । र पैसा लिएर उनैलाई सहयोग गर्दै मोटाउँदै आएका थिए जिल्ला प्रशान कार्यालय धनुषाका केहि कर्मचारी । यी नालीबेलीहरुको तव पर्दाफास भयो जव जिल्ला प्रहरी कार्यालय धनुषाले मंसिर २७ गते सुराकीको आधारमा रोशनको डेरा खानतलासी गर्यो ।

भोलि पल्ट मंसिर २८ गते जिल्ला प्रहरी कार्यालय धनुषाले धनुषाका प्रमुख जिल्ला अधिकारी प्रदीपराज कडेंलको उपस्थितिमा जव रोशनको डेराबाट बरामद गरेको सरसमान पत्रकार सम्मेलन गरी सार्वजनिक गर्यो, त्यति बेला एउटा जिल्ला प्रशासन कार्यालय नै रोशन चलाएर बसेको प्रमाणित भयो । तयार पारेको एकदर्जन बढी नक्कली नागरिकता, राहदानी, बसाई सराई , संयौ व्यक्तिको पासपोर्ट साईज फोँटो, नागरिकताको अनुसूचि, नागरिकता बनाउने कार्ड, जिल्ला प्रशासनमा हुने जति छाप लगायतका कुराहरु छरपष्ट देख्न सकिन्थ्यो सार्वजनिक गरेको टेवुलमा ।

त्यत्रो ठुलो परिमाणमा नक्कली नागरिकता लगायत जिल्ला प्रशासन कार्यालय प्रयोग गर्ने कागजात र छापहरु सायद पहिलो पटक नै जिल्ला प्रहरी कार्यालय धनुषाले सार्वजनिक गरेको थियो । जुन दृश्यले पत्रकार सम्मेलनमा सहभागि पत्रकारहरु समेत चकित भएका थिए । जिल्ला प्रहरी कार्यालयले बरामद सरसमान सहति त्यस दिन रोशन लगायत जिल्ला प्रशास कार्यालय धनुषाका कार्यालय सहायक ४२ वर्षका महावीर मण्डल, हाल जनकपुर उपमहानगरपालिका ४ बस्ने हेमन्तकुमार पाण्डे र धनुषाको औरही गाउँपालिका ५ का वडा सदस्य समेत रहेका ४९ वर्षका गंगा साहलाई पक्राउ गरी सार्वजनिक समेत गरेको थियो ।

नक्कली नागरिकता बनाउने गिरोह पक्राउ परेको एकसाता नवित्दै त्यहि गिरोहमा संलग्न रहेको आशंकामा गत पुस १ गते जिल्ला प्रशासन कार्यालय धनुषाका एक नायब सुब्बा सहित तीनजना कर्मचारी नै पक्राउ परे । पक्राउ पर्नेमा जिल्ला प्रशासन कार्यालयका नायब सुब्बा भोला मण्डल, कार्यालय सहयोगी अरुण कुमार यादव र कार्यालय सहयोगी विरेन्द्र चौधरीलाई अनुसन्धानका लागि जिल्ला प्रहरी कार्यालय धनुषालाई बुझाएको प्रमुख जिल्ला अधिकारी प्रदीपराज कंडेलले बताए । पक्राउ कर्मचारीहरु वि।स। २०६३ र २०७० को नागरिकता बनाउने टोलीमा समेत खटेका थिए । नक्कली नागरिकता बनाउने गिरोहमा पक्राउ परेका सात जना मध्ये चारजना जिल्ला प्रशसन कार्यालय धनुषाकै चारजना कर्मचारी छन् ।

यति ठुलो परिमाणको कागजात र प्रशासन कार्यालयकै बढी कर्मचारीहरु समेत नक्कली नागरिकता, पासपोर्ट जस्ता संवेदनशील कागजात बनाउने धन्दामा संलग्न रहेको पाइएकाले उनीहरु वर्षौदेखि रकमको चलखेलमा हजारौ गैर नेपाली नागरिकलाई नागरिकता बाँडेको हुन सक्ने आशंका छ । प्रहरीले घटनाको अनुसन्धान जारी नै राखेको छ भने पक्राउ अभियुक्तहरुमाथि नक्कली नागरिकता र सरकारी छाप किर्ते मुद्दा दायर गरी कार्वाही प्रक्रिया समेत अघि बढाएको छ ।

यसो सम्पूर्ण घटना विवरण हेर्दा पक्राउ परेका नक्कली नागरिकता बनाउने गिरोहका नाइके नै रोशन हुन् । रोशन लामोसमयदेखि यस्तो कार्यमा संलग्न रहेको र उनले मोटो रकम लिएर थुप्रै भारतीय नागरिकलाई नागरिकता बनाएको उनका छिमेकहरु बताउँछन् । स्थानीयका अनुसार मोटो रकम लिएर भारतीय नागरिकलाई नागरिकता बनाउनुको साथै कतै पनि वैद्य तरिकाले हुन नसकेको काम नागरिकता, राहदानी, सिफारिस, बसाइसराई, मृत्युदर्ता, जन्मदर्ता लागायतको नक्कली काम गर्न चौधरी मास्टरमाईण्ड व्यक्ति हुन् । यदि चौधरीमाथि सुक्ष्म अनुसन्धान हुने हो भने उनले गरेको धेरै कुकृत्यहरु बहिर आउने श्रोतको दावी छ । स्नातक पढेका रोशनको अन्य कुनै प्रकारको व्यापार व्यवसाय छैन । तर उनको आर्थिक आम्दानी र एकाएक फस्टाएको घरको अवस्थाले धेरैलाई अचम्भित तुल्याएको छ । जनकपुर र काठमाडौंमा पनि उनले त्यहि धन्दाको बलमा केहि घडेरी जोडेको गाउँलेहरु बताउँछन् । उनको लुवाई खुवाई र बाहिरी हाउभाउ हेर्दा कुनै धनाढ्य सुखीसम्पन्न परिवार भन्दा कम नरहेको स्थानीयहरुको भनाई छ ।

(पत्रकार शैलेन्द्र क्रान्तीको अपरेशनमा टुडेपाटीमा सम्प्रेषित समाचारको साभार )