उच्च अदालतद्वारा डा. सि के राउतलाई पुर्पक्ष गर्नुको कारण माग

न्यूज ब्यूरो, जनकपुरधाम । स्वतन्त्र मधेश गठबन्धनका सँयोजक डा. सि के राउतलाई के कारणले पुर्पक्षगरिएको छ भनि कारण जिल्ला अदालत रौतहटबाट माग गरिएको छ ।

उच्च अदालत जनकपुरको अस्थाई ईजलाश विरगंजले सक्कल मिसिल १५ दिन भित्र उपलब्धगराउन जिल्ला अदालत रौतहटसंग सोमवार माग गरेको हो । गत मँसिर २० गते जिल्ला अदालत रौतहटले डा. राउतलाई पूर्वपक्षको लागि कारागार चलान गरेको हो । विरगँज स्थित उच्च अदालतले सोमबार पूर्वपक्षको कारण सहितको मिशिल माग गरेको हो ।

सिके राउत सँयोकत्वको स्वतन्त्र मधेश गठबन्धनका ४ जना नेताहरु अहिले कारागारमा रहेका छन् । डा. सि के राउत स्वयंम रौतहट कारागारमा, गठबन्धनका सह संयोजक कैलाश महतो सिरहा कारागारमा, संजय यादव धनुषा कारागारमा र नवलपरासी जिल्ला संयोजक श्रीकृष्ण यादव नवलपरासी कारागारमा रहेका छन।

डा. राउतलाई छाडेर ३ जना धरौटी नदिई स्वईच्छाले मधेश आजादीको लागि कारागार गएको स्वतन्त्र मधेश गठबन्धनका प्रवक्ता अब्दुल खानले जानकारी दिए । नेपाल सरकारले गठबन्धन उपर गर्दै आएको कार्यले गठबन्धन उपर कुनै प्रकारको निरासा नरहेको दाबी गरिएको छ ।

गत असोज २१ गते रौतहट जिल्ला अदालत परिसरबाट पक्राउ गरिएका डा. राउतको रिटलाई सर्वोच्च अदालतले खारेज गरेपछि पुनः जिल्ला अदालत रौतहट नै पठाइएको थियो । राज्य विरुद्धको संगठित अपराध मुद्दामा उनलाई पक्राउ गरी झण्डै अढाई महिनादेखि थुनामा राखिएको छ ।