धनुषामा प्रहरीले समुदायसँग साझेदारी गर्ने

न्यूज ब्यूरो, धनुषा | धनुषाको शहिदनगर नगरपालिका वडा नम्बर ५ मा नेपाल प्रहरीले ल्याएको समुदाय प्रहरी साझेदारी अभियानमा स्थानीय नागरिक समाजका अगुवाहरूलाई समेटी समुदाय प्रहरी साझेदारी गठन गरेका छन् ।

नगरपालिकाको कार्यालय सिमरापट्टीमा ईलाका प्रहरी कार्यालय यदुकोहाका प्रहरी निरीक्षक भिम बहादुर खड्काको विशेष उपस्तिथिमा वडाध्यक्ष राम रतन पासमानको संयोजकत्वमा १४ सदस्य समिति गठन गरिएको हो ।

अपराधिक क्रियाकलाप, गतिविधि नियन्त्रणको लागि प्रहरीले स्थानीय समुदायसँग सहकार्य गर्न र साँझेदारी गर्नको लागि उक्त समिति गठन गरेको हो । समितिको सह संयोजकमा नेपाल प्रहरीका सई भवानी ठाकुरलाई चयन गरेका छन् भने सदस्यहरुमामा बिसुनदेव यादव, चन्द्र महरा, राम किशोर मुखिया,
राम औवतार साह, अरहुल देबी साह, संजोगिया देबी, पबित्री देबी, लखी मंडल, शेखर सुनार, राम पुकार ठाकुर, रामेश्वर कापर रराम एकवाल साहलाई चयन गरेको छ ।

समिति गठनको लागि बोलाइएको भेला कार्यक्रममा ईलाका प्रहरी कार्यालय यदूकूहाका प्रहरी नीरिक्षक खडकाले भने, समाजमा भइरहेका अपराध रोक्न केवल प्रहरीमाथि निर्भर भएर र प्रहरीको मात्र दायित्व भनेर सोच्यौ भने तपाई हामीले देखेका सपनाहरू र भयरहित समाज निर्माण गर्न सक्दैनौ। तपाईं हाम्रो सक्रियतामा सफलता निर्भर गर्छ।

प्रहरीले लामो गृहकार्यपछि ल्याइएकाले उक्त अभियान सफल हुने बिश्वास व्यक्त गरे ।