विवाहपँचमीको आज अन्तिम दिन, अयोध्याका जन्ती बिदाई गरिँदै

न्यूज ब्यूरो, जनकपुरधाम । एक सातासम्म मनाइने सप्ताहव्यापी विवाहपञ्चमी महोत्सव अन्तर्गत आज (विहिबार) रामकलेवा अर्थात् जन्ती (बाराती) बिदाई गरिदै छ ।

पौराणिक परम्परा अनुसार अयोध्याबाट आएका जन्तीलाई विवाह पश्चात् बिदाई गर्ने परम्परा अनुरुप आज रामकलेवा मनाइँदै छ । विधि विधान अनुसार रामकलेवामा अयोध्याबाट आएका जन्तीलाई जानकी मन्दिरबाट भोजन गराई बिदाई गर्ने चलन छ । बिदाईको क्रममा मधेशको परम्परामा आधारित धोती, पगडी र कुर्ता प्रदान गर्दै बिदाई गरिन्छ ।

विवाह पञ्चमीको स्वयँवरका दिन विवाह भएको जोडीहरुलाई जानकी मन्दिरको प्राङ्गणमा राखी उनीहरुले एक अर्का पक्षलाई गाली गर्दै ठट्यौली गर्ने परम्परा समेत रहेको छ ।

सप्ताहव्यापी विवाह पञ्चमी अन्तर्गत् रामकलेवा (बिदाई) सँगै विवाह पञ्चमी महोत्सव सम्पन्न हुने गर्दछ ।