कलाकार समाजलाई जोडने कार्य गर्छ : यादव

जनकपुरधाम, २७ मँसिर ।
हालै सम्पन्न भएको प्रतिनिधि तथा प्रदेश सभा निर्वाचनमा धनुषा निर्वाचन क्षेत्र नं. २ ख बाट निर्वाचित भएका प्रदेश सभा सदस्य राम अशिष यादवले कलाकारिता क्षेत्रले समाज जोडने कार्य गरेको बताएका छन् ।

बुधबार दिउँसो जनकपुरमा नेपाल सुपर डान्सर रियलिटी शोलाई उद्घाटन गर्दै यादवले कलाकारलाई देशको गौरवको सँज्ञा दिए ।
कलाकारिता क्षेत्रलाई अघि बढाए समाज विकासमा टेवा पुग्ने, विभिन्न विकास कार्यमा टेवा पुग्ने थपे ।
उनले भने, साहित्य, कला, सँगित, सँस्कृतिमा सँस्कार विना मनुष्य पशु समान हुन्छ ।

मैथिली सँस्कृति र सँस्कारलाई बरकरार राख्नको लागि बढदो पश्चिमी सभ्यता र सँस्कृतिलाई परास्त गर्नु अति आवश्यक रहेको बताए ।
कार्यक्रममा अतिथीको आसनबाट बोल्दै एनप्याबसनका अध्यक्ष चन्द्र नारायण मण्डलले विद्यार्थीको सर्वाँगीन विकासको लागि कला अति आवश्यक भएको हुनाले सम्पूर्ण जनसमुदाये बिशेष ध्यान दिनु आवश्यकता औल्याए ।

अहिलेको युगमा विद्यार्थीलाई गुण किताबी ज्ञान मात्र नभएर चौतर्फी विकासको लागि विभिन्न कला क्षेत्रमा पनि आफनो सहभागीता जनाउनुपर्ने थपे ।
अडिसनको उद्घाटन कार्यक्रममा आफनो शब्द राख्दै मिथिला एवम् नेपालकै बरिष्ठ गायक रामा मण्डलले गीत सँगित र कलाकारिताको माध्यमले समाजलाई विभिन्न जातपातलाई एउटै धागोमा बाँधीन सकिने बताए ।

यता, आयोजक समितिका सदस्य एवम् युवा गायक रँजित कुमार शर्माले कला क्षेत्रको विकासको लागि यो शोको आयोजना प्रथम पटक जनकपुरमा गरिएको बताए ।
नेपाल सुपर डान्सर रियलिटी शोमा छात्रछात्रा, बालबालिका सहित युवायुवति गरी तीन दर्जन डान्सरहरुले सहभागिता जनाएको छ ।

ती सहभागीहरुले अडिसनमा मैथिली, नेपाली र अँग्रेजी गीतमा आफनो कला प्रस्तुत गर्न सकिने आयोजक समितिले जनाएको छ ।
जनकपुरपछि अन्य विभिन्न शहरमा पनि अडिसन हुने जनाइएको छ ।