खेसारी लाल यादव उपर कुर्शी र पत्थर प्रहार !

न्यूज ब्यूरो, भारत । भोजपुरी सिने जगतका सुपरस्टार मानिएका अभिनेता एवम् गायक खेसारी लाल यादव उपर कुर्शी, पत्थर रोडा प्रहार गरिएको छ ।

गत भदौमा मात्र बोलबमको मौसममा उत्तर प्रदेशमा बाबाधाम कार्यक्रम गर्न आएका बेला खेसारी लाल उपर अश्लिल गीत गाएको भन्दै पत्थरवाजीका साथै कार्यक्रम बन्द गराएको थियो ।

त्यही घटना पुनः उनको एक कार्यक्रमबीच दोहरिएको छ । उत्तर प्रदेशको बाराबंकी जिल्लाको रामपुरमा आयोजित एक महोत्सवमा गायक खेसारी लाल यादव आफ्नो प्रस्तुति दिन ढिलो आएपछि दर्शकहरु रिसाएर कुर्शी पत्थर फालेका थिए ।

आक्रोसित दर्शकहरुले मँचमै ईट, पत्थर र कुर्शी फाल्न सुरु गरेपछि खेसारी लाल यादव डर कामेका थिए । उक्त कार्यक्रममा अभिनेता यादवले दर्शकहरुसँग ईट पत्थर कुर्शी नफाल्न आग्रह बारम्बार गरेपनि आक्रोसमा आएका दर्शकहरुको रिस शान्त नभएपछि खेसारी लाले कार्यक्रम बन्द गरेको थियो ।

उक्त घटनामा कैयौँ जना घाईते भएको भारतीय सँचारमाध्यमहरुले जनाएको छ । कार्यक्रममा भएको हँगामापछि उनले कार्यक्रम नै रद्द गरेको थियो । गत सोमबार राती यो हँगामा भएको बताइएको छ ।

यसै क्रममा त्यो आक्रोसित भीडलाई नियन्त्रण गर्न पुगेका सुरक्षाकर्मीहरुले उनीहरुलाई शान्त पार्नको लागि धन्धाधुन लाठीचार्ज समेत गरेका थिए भने उनीहरु उपर प्रहरीले सकेजति कुटाई गरेको थियो । हँगामा गर्ने युवकहरुलाई प्रहरीले लखेटी लखेटी कुटेका थिए । प्रहरीको लाठी चार्जको क्रममा समेत कैयौँ व्यक्ति घाईते भएको जनाइएको छ ।

उक्त महोत्सवलाई केन्द्रीय मन्त्री रीता बहुगुणा जोशीले उद्घाटन गरेकी थिइन् । उद्घाटनसँगै उनी आफ्नो कार्यालय फर्केकी थिइन् । उक्त कार्यक्रममा स्थानीय साँसद विद्यायक उपेन्द्र रावत रहेका थिए भने हँगामा शुरु भएलगत्तै आफ्नो घर भागेका थिए ।