'स्वच्छ र सफा जनकपुरधाम' महाअभियान, जन्मदिनमा मन्त्रीले वृक्ष रोपे

न्यूज ब्यूरो, जनकपुरधाम । जनकपुरलाई सफा र सुन्दर बनाउनको लागि स्वच्छ र सफा जनकपुर महाअभियानको बोर्ड लगाइएको छ।

मंगलबार स्वच्छ जनकपुर महाअभियानका अभियानिहरुले संकट मोचन मन्दिरको बाहिर होडिङ्ग बोर्ड लगाइएको हो। जनकपुरधाम नगरको बर्तमान अवस्था र मुख्य सडको सफाईमा केही सुधार भएतापनि प्रत्येक वार्डको सहायक सडक टोलहरुको गली,नाला बेपरवाह जग्गा धनिका खाली पर्ती जग्गाको अवस्था जताततै फोहोरै फोहर भएर बाताबरण दुर्गन्धित हुदै गएको भन्दै जनचेतनाको लागि होडिंग बोर्ड लगाइएको हो ।

नगर सफाईमा प्रमुख बाधक पलाष्टिक पोलिथिन बढी मात्रामा भएकोले गाईबस्तु लगायत मानवजातिमा पनि असर पारेको ठहर गर्दै अभियानीहरुले विहानै संकटमोचन मन्दिर नजिकै उक्त जनचेतनामूलक होडिंग बोर्ड लगाएको हो ।

पोलिथिनमुक्त गराउन सहोकारबालाहरुलाई ध्यानाकर्षण गराउदै थप जनचेतना बढाउने प्रयासको अवश्यकता महशुस गरी जनमानसमा सफाई प्रति निरंतरता, जागरुकता,आ- आफ्नो दायित्व आत्मसात् र अवलम्बनको अपेक्षा राख्दै, अस्वच्छताको निराकरण र स्वच्छतामा केन्द्रित बिषयबस्तु दर्शाइएको संकट मोचन मंदिरको बाहिर होडिंग बोर्ड लगाइएको छ। यस माध्यमबाट नगर लाई सफा सुन्दर ब्यवस्थित राख्न स्वच्छता संदेश दिन प्रयास गरिएको हो।

यसका लागि जनकपुरधामको बजरंग मेशिनरीका प्रोपराइटर मनीष साहले उक्त होडिंग बोर्ड सहयोग गरेका थिए ।

मन्त्रीले जन्मदिनमा वृक्ष रोपे

प्रदेश नं. २ का पर्यटन वातावरण राज्य मंत्री सुरेश मंडलले मँगलबार आफ्नो जन्मदिन परेको भन्दै यस अभियानमा हात बढाउँदै वृक्षारोपणसमेत गरेका हुन् ।

स्वच्छता अभियानी रामआशिष यादव , समाजसेवी अमर चन्द्र अनिल, सुरेश शर्मा, पवन सिंघानीया सहितका व्यक्तित्वहरुले मन्त्री मण्डलको जन्मदिनलाई पनि लक्षित गर्दै होडिंग सहित वृक्षारोपण गरिएकोप्रति कृतज्ञाता जनाए ।

आफ्नो जन्मदिन पारेर जनकपुरधाम सफाईको लागि लिएको प्रणमा सहयोग गर्न हात बढाएको भन्दै मन्त्री मण्डलप्रति आभार समेत प्रकट गरे भने मन्त्री मण्डलले आगामी दिनमा समेत यस अभियानमा सदैव साथ दिने प्रतिवद्धता जाहेर गरे ।