जयनगर - जनकपुरधाम रेल्वे दुर्घटनाग्रस्त !

न्यूज ब्यूरो, जनकपुरधाम । बहुप्रतिक्षित जयनगर- जनकपुरधाम- बर्दिबास ब्रोडगेज रेल दोस्रो चरणपछि नै दुर्घटनाग्रस्त भएको छ ।

भारतको जयनगरदेखि जनकपुरधाम सम्म परीक्षणमा रहेको रेल लिकमा ब्लाष्ट (गिट्टी) झारेर फर्किन लागेको बेला लखौरी नजिक दुर्घटना भएको हो । ब्लाष्ट गिट्टी झारेर फर्किने क्रममा ५३ वटा बोगी भएको मालवाहक रेलको २ वटा बोगी आईतबार मात्र लिकबाट तल झरेको थियो । लिकबाट झरेको रेललाई पूनःलिकमा राखेर भारत तर्फ लगिएको थियो ।

रेलको लिक पूर्ण रुपमा तयार भईसकेको र परीक्षणको कार्य अन्तिम चरणमा पुगेको बेला रेलको बोगी लिकबाट झरेपछि प्राविधिकहरु तनावमा देखिएका हुन् ।

रेलको लिकमा ब्लाष्टको काम अझै बाँकी रहेको र ५३ वटा बोगी भएको मालबाहक टे«नले त्यो ढुवानीगर्दै आएको छ । ट्रायल गर्ने ईञ्जिनबाट पनि परीक्षण गरिदै आएको छ । रेलको बोगी लिकबाट झरेपछि परीक्षण गर्ने ईञ्जिनबाट फेरी ट्रायल हुने बताईएको छ

दुई पटक सफल परीक्षण गरिएको थियो’ईञ्जिनियर विनोद ओझाले भने, तेस्रो चरणको परीक्षण हुन बाँकी छ । मंसिर महिनामै रेल सञ्चालन गर्ने अझै तयारी रहेको छ । तर आधी महिना बित्न लाग्दा रेलको परीक्षणपनि पुरा हुन सकेको छैन् ।

भारतीय पक्षले डिसेम्बर महिनामै रेल नेपाल सरकारलाई हस्तांतरण गर्ने तयारी गरेको छ ।