सुनसरीमा गाँजा र चरेस सहित १ फन्दामा !

न्यूज ब्यूरो, सुनसरी । सुनसरीमा लागूऔषध गाँजा र चरेस सहित एकजना पक्राउ परेका छन् । धरान उपमहानगरपालिका ६ पानबारीबाट प्रहरीले लागूऔषध गाँजा र चरेस सहित १ जनालाई पक्राउ गरेको हो ।

दिउँसो २ः४० बजेको समयमा तरहराबाट पानमारा तर्फ जाँदै गरेको को २ ह २८२४ नम्बरको टेम्पो चेकजाँच गर्ने क्रममा उदयपुर ताप्ले गाउँपालिका १ बस्ने बर्ष १९ को यलन राईलाई लागूऔषध गाँजा २ किलो र चरेश २०० ग्राम फेला पारी बरामद गरेको हो ।

बरामद लागूऔषध सहित राईलाई इलाका प्रहरी कार्यालय धरानमा राखि थप अनुसन्धान भईरहेको प्रहरीले जनाएको छ ।