वृहत्तर जनकपुर क्षेत्र विकास परिषद प्रमुखमा 'ठाकुर'

न्यूज ब्यूरो, जनकपुरधाम । वृहत्तर जनकपुर क्षेत्र विकास परिषदको प्रमुख कार्यकारी निर्देशकमा बलराम ठाकुरलाई चयन गर्ने भएको छ ।

परिषदको कार्यकारी पद रिक्त रहेकोमा गत मिति २०७५ साल साउन ८ गतेमा प्रकाशित सुचनाको आधारमा ठाकुरले प्रक्रियागत रुपमा परिषदको लागि सफल उम्मेदवार भएको परिषदद्धारा जारी गरिएको सुचनामा उल्लेख छ ।

परिषदले मँगलबार काटेको पत्र सँख्या २०७५ ७६ तथा चलानी नं. ६१ अनुसार धनुषाको धनौजी गाउँपालिका वडा नं. १ बस्ने राधा प्रसाद ठाकुरका छोरा बलराम ठाकुरलाई प्रमुख कार्यकारी निर्देशक पदको लागि सफल उम्मेदवार बनाइएको हो ।

यस्तै अर्का वैकल्पीक उम्मेदवारमा महोत्तरीको पिपरा गाउँपालिका वडा नं. ७ बस्ने बालकृष्ण चौधरीका छोरा चैतन्य प्रकाश चौधरीलाई बनाइएको छ ।

सफल उम्मेदवार ठाकुरलाई ७ दिनभित्र प्रक्रिया पुरा गरी प्रमुख कार्यकारी निर्देशकको जिम्मेवारी सम्हाल्न निवर्तमान कार्यकारी निर्देशक चिरंजीविराज ढुँगानाले सूचना प्रकाशित गरेका छन् ।