डा. सिके राउत ४३ दिनपछि सोमबार सर्वोच्चमा उपस्थित हुँदै

न्यूज ब्यूरो, जनकपुरधाम । स्वतन्त्र मधेस गठबन्धनका सँयोजक डा. सिके राउत भोली (सोमबार) मँसिर ३ गते सर्वोच्च अदालतमा उपस्थित गराईने भएको छ ।

गत असोज २१ गतेदेखि नै प्रहरी हिरासतमा रहेका डा. राउतलाई नेपाल प्रहरीले मँसिर ३ गते सोमबार विहान १० बजे सर्वोच्च अदालतमा उपस्थित गराउन लागेको स्वतन्त्र मधेस गठबन्धनका प्रवक्ता अब्दुल खानले जानकारी दिए ।

गत असोज २१ गते रौतहट जिल्ला अदालतमा तारेख लिन गएका बेला रौतहट प्रहरीले उनलाई गिरफ्तार गर्दै राज्य विरुद्धको मुद्दा चलाएर अनुसन्धान गर्दै आएको छ ।

तराई मधेसमा डा. राउतको भारी सँख्यामा समर्थकहरु छन् ।

कैयौँ पटक उच्च अदालत विरगँजमा उपस्थित समेत गराईसकेको डा. राउतलाई थप अनुसन्धानकै नाममा ४२ दिनदेखि हिरासतमा राख्दै आएको हो । यसअघि जिल्ला प्रशासन कार्यालय रौतहट र जिल्ला प्रहरी कार्यालय रौतहटको निर्णय अनुसार अनुसन्धान प्रक्रिया अवधि छोटो पारेर रिहा गर्न सहमति भएपनि प्रहरीले रिहा भने गरेको छैनन् ।

डा. राउतलाई सर्वोच्च अदालतले लगाइएको मुद्दामै यसअघि सफाई दिएका हुन भने प्रहरीले बारम्बार यही मुद्दा लगाउँदै उनलाई पक्राउ गर्दै आएको छ ।