मोटरसाईकल दुर्घटनाका गम्भिर घाईते साहको मृत्यू

जनकपुरधाम, २६ मँसिर । गएराती मोटरसाईकल दुर्घटनामा परी गम्भिर घाईते भएका एक युवकको मृत्यू भएको छ ।

आईतवार राती करिब ९ बजे जनकपुर उपमहानगरपालिका वडा नं. २ भानुचोक स्थित गल्लीमा मोटरसाईकल दुर्घटना हुँदा जनउम १ बस्ने बर्ष २५ का तुल्सी साह र जनउम २ वकिलटोल बस्ने अन्दाजी बर्ष २६ का विजय महतो गम्भिर घाईते भएका थिए ।

चालक साहलाई प्रहरीले उपचारको लागि जनकपुर अञ्चल अस्पताल पुरयाएको थियो भने अवस्था अति नै गम्भिर भएपछि विराटनगर न्युरो हस्पिटलको लागि रेफर गरिएकोमा विराटनगर लैजादै क्रममा साहको बाटोमै मृत्यू भएको जिल्ला प्रहरी कार्यालय धनुषाले जनाएको छ ।

बा ८५ प ४६६१ नम्बरको मोटरसाईकल लिएर दुवै जना राती बाहिर निस्केका थिए, मोटरसाईकल दुर्घटना भएर पर्खालमा ठोक्किएसँगै नालामा झरेका थिए ।
साहको गएराती करिब १ः३० बजे बाटोमै मृत्यू भएको जिप्रका धनुषाले जनाएको छ ।

महतोको जनकपुर अञ्चल अस्तालमा उपचार भईरहेको प्रहरीले जनाएको छ ।