केपी ओलीले सोच्न नसक्ने सडक संघर्ष गर्छौ : राजपा

न्यूज ब्यूरो, बारा । राष्ट्रिय जनता पार्टी नेपाल (राजपा) ले प्रधानमन्त्री केपी शर्मा ओलीले सोच्न नसक्ने खालको सडक संघर्ष गर्ने बताएको छ ।

राजपा नेपाल बारा जिल्ला कार्य समितिले एक प्रेस विज्ञप्ति जारी गर्दै छठ पश्चात् राजपा नेपालले के.पी. ओलीले न सोचेको किसीमको सडक संघर्षको माध्यमबाट मांग सम्बोधन तथा संविधान संशोधन गराउन सासकलाई बाध्यपार्ने तयारीमा रहेको जनाइएको छ ।

प्रेस विज्ञप्तिमा लेखिएको छ - "वर्तमानको राजनिीती संदर्भमाप्रधानमंत्री के.पी. ओली सँग दुई तिहाईको बहुमत छ यो सरकारले नेपालको संविधान २०७२ संशोधनगर्न सक्छ र हाम्रो मांगहरु सम्बोधन हुन्छ भनेर प्रधानमंन्त्री सँग संविधान संशोधन सांसद रेशमचौधरीको सपथग्रहनतथाआन्दोलन बाट आएकामांगहरु लगायतकाविषयहरुमा सहमती , सम्झौता गरी सरकारलाई समर्थन गरेको हो । नकी रमाउनलाई । प्रदेश नं. २ को सरकारको सवालमा राजपा नेपाल, लाई स्पष्ट रुपमामधेशीजनता ले मतदान गरी सरकार बनाउने म्यान्डेड दिएको हुँदामधेशीजनताको भावनालाई कदर गर्दै संघीय समाजवादीफोरम नेपाल संगको सहकार्य माप्रदेश सरकार को निर्माण भएको हो । यो एमाले र काग्रेसको दायामायाको सरकार होइन । स्पष्ट रुपमामधेशीजनताको सरकार हो र यस प्रदेश नं. २ बासीको हीतको लागि सदैव तत्पर रहने र बाधाआएमा त्यस लाई चिरदै अगाडी बढने राजपा नेपालको स्पष्ट निती रहेको छ ।"

"प्रधानमन्त्री केपी ओलीको सरकारको कामकार्य र मधेसी जनताप्रतिको दृष्टिलाई मधेसी जनताहरुले नियालीरहेको भन्दै अब जे हुन्छ नगद हुन्छ , उधारो केही हुदैन यस देशको ७ वटा प्रदेश मध्ये २ नं. प्रदेश बाहेक ६ वटै प्रदेश र केन्द्रमा दुई तिहाई बहुमतको एमालेको नेतृत्वमा रहेको सरकार लेबलात्कारी को संरक्षण , गम्भीर प्रकार का अपराधीको आममाफी, समयमाकामनगर्ने ठेकेदार हरुको संरक्षण जस्ता कामहरु गर्न मात्र व्यस्त छ ।" प्रेस विज्ञप्तीमा उल्लेख गरिएको छ ।

राजपा नेपालले दिएको समर्थन फिर्ता लिन अन्तीम तयारीमा रहेको जनाउँदै वर्तमान सरकार भ्रष्टवादीहरुको जमात रहेको आरोप पार्टीले लगाएको छ । मधेशी , थारु लगायतकाजनताहरु को मांंग पुरा न हुने कुरा स्पष्ट भैसकेको हुँदा छठ पर्वपछि सडक तताउने राजपा नेपाल बाराका प्रवक्ता अरुण कुमार सिँहले जनाएका छन् ।