जनकपुरको सुमितको शव लहानको पोखरीमा, साथी पक्राउ !

न्यूज ब्यूरो, सिरहा । सिरहाको लहान ३ मटिअर्वास्थित पोखरीमा बिहिवार मृत अवस्थामा फेला परेका जनकपुरका सुमित साहको मृत्यूको घटना रहस्यमय बन्दै गएको छ । सुमितका साथी भनिएका थारुलाई प्रहरीले शंकाको आधारमा नियन्त्रणमा लिएको छ ।

मृतक सुमितलाई हेर्न अस्पताल पुगेका थारुलाई परिसरबाटै प्रहरीले सोधखोजका लागि नियन्त्रणमा लिएको बताएको छ । एक स्रोतका अनुसार सुमितलाई कुटपिट गरेर पोखरीमा फालिएको हुनसक्छ । तर, अर्का स्रोतका अनुसार मादक पदार्थ सेवन गरेको भए उनी लडेर पोखरीमा डुब्न गएको हुनसक्छ भनी अडकलवाजी चलिरहेको छ ।

सुमित लहान नपा ३ मटिअर्वाको पोखरीमा दूई दिन अगावै डुबेको थियो । तर, उनको शव भने बिहीवार फेला परेको थियो ।

जनकपुर निवासी करिब ३० वर्षीय सुमित साह आफ्ना थारु साथीको घर लहान ३ मटिअर्वा पोखरी नजिक तीन दिन अगावै आएका थिए ।