स्टुडेन्ट क्वालिटी सर्कलमा जनकपुरको 'मोनाष्टिक टिम' राजधानीमा

न्यूज ब्यूरो, जनकपुरधाम । प्रदेश नं. २ को उत्कृष्ट विद्यालय मानिएको जनकपुरधामको मोनाष्टिक स्कूलले स्टुडेन्ट क्वालिटी सर्कल प्रतियोगितामा भाग लिन राजधानी काठमान्डौँ पुगेका छन् ।

राष्ट्रिय प्रतियोगिताको १४ औं संस्करणमा सहभागी हुन विद्यालयका दुई जना शिक्षक सहित १४ जना विद्यार्थीको टोली बुधबार (आज) देशको राजधानी काठमान्डौँ पुगेका हुन् । विद्यार्थीको शैक्षिक,सामाजिक तथा अन्य पक्षमा गुणस्तर परीक्षण गर्न राजधानीमा हरेक वर्ष क्वेष्ट नेपालले आयोजना गर्दै आएको छ ।

काठमाण्डौको ज्ञानेश्वरस्थित ग्यालेक्सी पब्लिक स्कुलमा सञ्चालन हुने कार्यक्रममा दैनिक जीवनमा आइपर्ने शैक्षिक,सामाजिक तथा अन्य समस्याको बारेमा अध्ययन गर्ने र ती समस्याको कसरी समाधान गर्ने भन्ने विषयमा विद्यार्थीको क्षमता परीक्षण गरिने छ ।

प्रतियोगितामा कक्षा ६ देखि ९ सम्मका बिद्यार्थीहरु सहभागी हुनेछन् भने प्रतियोगितामा देशभरीका ८० वटा विद्यालयका करिव १ हजार बिद्यार्थीहरुबिच हाजिरीजवाफ, हिज्जे, कोलाज, कथा निर्माण, समूह छलफल, चित्रकला, केस स्टडी सहितका विभिन्न विधामा प्रतिस्पर्धा हुने मोनाष्टिक आवासिय माविका प्रबन्धक निर्देशक डा. सोनु कुमार साहले बताए ।

टोलीमा शिक्षकद्धय कुनाल शर्मा र संतोष कुमार साह तथा बिद्यार्थीहरु रमेश महरा, निर्मल शर्मा, कैयुम राईन, जेनिका श्रेष्ठ, गणेश साह, सुबिज्ञा साह, श्रुति साह, श्रुति यादव, स्नेहा ठाकुर, रिया गुप्ता, सज्जन अधिकारी, अदिती साह, शिवम ठाकुर र नविन शर्मा सहभागी छन ।

बिद्यार्थीहरुको अन्तरनिहीत क्षमता अभिबृद्धि गर्न हरेक बर्ष क्वेष्ट नेपालले राष्ट्रियस्तरको उक्त प्रतियोगिताको आयोजना गर्दै आएको छ । प्रतियोगिता कार्तिक १५ विहिबार देखि १७ गते शनिबारसम्म सञ्चालन हुने छ ।