जनकपुर चुरोट कारखानालाई 'मधेस भवन' घोषणा !

न्यूज ब्यूरो, जनकपुरधाम । प्रदेश नं. २ सरकारको सचिवालयलाई मधेस भवन घोषणा गरिएको छ ।

प्रदेश सरकारले जनकपुर चुरोट कारखानाको परिसरमा रहेको प्रदेश सरकारको सचिवालयका मधेश भवन नामाकरण गरेको हो । मन्त्री परिषदको शुक्रबार सम्पन्न बैठकले जचुकाली भवन परिसर भित्र हाल कायम रहेको सचिवालयका भवनहरुलाई मधेश भवन घोषणा गरिएको हो ।

यसका साथै एक महिना भित्र आवश्यक कर्मचारी पठाउन संघीय सरकारलाई आग्रह समेत गरिएको छ ।

बैठकले प्रदेश सरकार तयार पारेको कर्मचारी संगठनात्मक संरचना (ओएनएम) अनुसारको कर्मचारी एक महिना भित्र पठाउन संघीय सरकारलाई आग्रह गर्ने निर्णय गरेको छ । एक महिना भित्र संघीय सरकारले आवश्यक कर्मचारी नपठाए प्रदेश सरकारले आफै व्यवस्था गर्ने निर्णय समेत मन्त्री परिषदको बैठकले गरेको हो ।