एकल महिलालाई मलेसिया युनिस्सेलको सहयोग

न्यूज ब्यूरो, धनुषा । वैदेशिक रोजगारीको क्रममा मलेसियामा रहेका युवाहरुको एक समूहले धनुषाकी एक एकल महिलालाई आर्थिक सहयोग गरेका छन् ।

स्थानीय अगुवा शम्भु साह मार्फत मलेसिया स्थित रहेको मलेसिया युनिस्सेलका सदस्यहरुले लक्ष्मीनियाँ गाउँपालिका वडा नं. ५ बस्ने जगमोहन दासकी पत्नी जानबत्ति देवी दासलाई नेपाली रुपैयाँ ३० हजार ५ सय आर्थिक सहयोग गरिएको हो ।

मलेसिया स्थित रहेको उक्त समूहको सदस्यहरुमध्ये योगेन्द्र दास, जयप्रकाश दास, कृष्ण प्रसाद तिमिल्सिना, खगेन्द्र, हस्ता, सँतोष साह, अरुण कुमार मुखिया, धिरज, रमानन्द साह, टेक नारायण ठाकुर, राम महेश, बालबीर लगायत २१ जना सदस्यहरुको सहयोगले उक्त रकम प्रदान गरिएको हो ।

समाजसेवी एवम् अगुवा साहले एकल महिलाको घरमै पुगेर स्थानीय जनप्रतिनीधि जगदिस दास तथा स्थानीयहरुको रोहबरमा उक्त रकम प्रदान गरेका हुन् ।