राजदेवीमा १ मिनेटमा औसत ४५ बोका काटिदै

न्यूज ब्यूरो, जनकपुरधाम । जनकपुरधामको राजदेवी मन्दिरमा बोका बली धमाधम भइरहेको छ ।

राजा जनकी कुलदेवी मानिएकी माता राजदेवीमा प्रत्येक वर्ष दशैँको महाअष्टमीका दिन हजारौँ बोका बलि दिँदै आएको छ । बेलुका करिब पौने ८ बजेदेखि सुरु भएको बोका बलीको लागि यसपाली ५ ओटा अस्थायी ठेहा स्थापना गरिएको छ ।

प्रत्येक ठेहाको लागि ५ जनाको समूहमा स्वयँसेवक परिचालन गरिएको छ । खसीको लाईन सहित डोरी र व्यवस्थापनको लागि ५ जना जनशक्ति प्रति ठेहामा खटाइएको हो ।

सुरुमा औसत एक मिनेटमा ३० को दरले बोका बली दिइएपनि समय वित्दै जाँदा औसत बढेको महाविर युवा कमिटिले जनाएको छ । राती १० बजेपछि औसत करिब ४५ प्रतिमिनेट बोका बली गइरहेको जनाइएको छ ।

जनकपुरधामको गायत्री परिवार सहित अन्य धर्म सँघसँस्थाहरुले समेत बोकाबलीको विरोध गर्दै आएको छ । देवीदेवताको नाममा अबोध पशुपंक्षिको बलीलाई विरोध गर्दै आएको छ ।

यसपाली पनि १४ हजार बढी बोकाबली प्रदान हुने आयोजक समितिले जनाएको छ ।