लाखौको रेडिमेड कपडा शसस्त्रले समाते

मनिष शर्मा, महोत्तरी । महोत्तरीमा शसस्त्र प्रहरी बल नेपाल राजश्व तथा भन्सार सुरक्षा नं. १३ गुल्मले १० लाख मोल बरावरको रेडिमेड,थान कपडा,सारी तथा अन्य विभिन्न कपडाहरु नियन्त्रणमा लिएको छ ।

सम्सी गाउपालिका वडा नं. ४ गैढाभेटपुरको १६ नं. पिलर सिमाना क्षेत्रमा रहेको धानखेतबाट सोमवार मध्यराती वेवारिसे अवस्थामा फालिएको उक्त परिमाणको कपडाहरु शसस्त्र प्रहरीले नियन्त्रणमा लिएको हो ।

दशैलाई लक्षित गरि सम्सी नाका हुदै गौशाला तथा जिल्लाका अन्य भागमा राजश्व छलेर पुर्याउन लागेको उक्त कपडाहरु सुराकीको आधारमा गुल्मपति शसस्त्र प्रहरी नायव उपरिक्षक राजेश्वर पोखरेलले आफ्नै कमाण्डमा समातेका हुन । गुल्मपति शप्रनाउ पोखरेलले दशैको वेला ठुलो सफलता हात लागेको बताउनु भयो । उहाले नियन्त्रणमा लिइएको सामानहरु आजै जलेश्वर भन्सार कार्यालयमा बुझाईने बताउनु भयो ।