मुख्यमन्त्रीलाई ज्ञापनपत्र बुझाउन गएका सिके राउतका तीन कार्यकर्ता पक्राउ

न्यूज ब्यूरो, जनकपुरधाम । प्रदेश नं. २ का मुख्यमन्त्री मो. लालबाबू राउतलाई ज्ञापन पत्र बुझाउन गएका डा. सिके राउतका तीन कार्यकर्तालाई प्रहरीले पक्राउ गरेको छ ।

आईतबार दिउँसो मुख्यमन्त्री राउतलाई प्रहरी हिरासतमा रहेका डा. सिके राउतलाई रिहाई गर्नुपर्ने माग सहित ज्ञापन पत्र बुझाउँन जाँदा प्रहरीले मुख्यमन्त्री कार्यालबाटै उनीहरुलाई पक्राउ गरिएको जनाइएको छ ।

पक्राउ पर्नेमा सिके राउत नेतृत्वको स्वतन्त्र मधेस गठबन्धनका महोत्तरीका युवा नेता सँजय यादव, विश्वनाथ चौधरी रहेका छन् भने अन्य एक जनाको नाम भने खुल्न सकेको छैन ।

पक्राउ परेका तीनै जनालाई जिल्ला प्रहरी कार्यालय धनुषामा राखिएको छ भने उनीहरुको वास्तविक नाम जे भने उनीहरुको लाईसेन्स वा नागरिकता हेरी मात्र यकिनका साथ नाम भन्न सकिने धनुषा प्रहरीका प्रवक्ता डिएसपीले बताए ।

तीन पक्राउ गरेको तथा उनीहरु उपर अनुसन्धान भईरहेको जानकारी जिल्ला प्रहरी कार्यालय धनुषाले दिएको छ ।