पिपलको रुखमै करेन्ट लागेर मृत्यू भएका नदाफको परिवारले क्षतिपूर्ति पाएनन्

न्यूज ब्यूरो , जनकपुरधाम । धनुषाको लक्ष्मीपूरमा करेन्ट लागेर मृत्यू भएका सिराजुल नदाफको परिवारले क्षतिपूर्ति पाउन नसक्दा विच्चलीमा परेका छन् ।

गत जेठ १० गते गाउँकै करेन्ट लागेर गम्भिर घाईते भएका सिराजुल नदाफको उपचारको क्रममा मृत्यू भएको थियो । धनुषाको धनुषाधाम नगरपालिका वडा नं. ४ लक्ष्मीपुर स्थित रहेको एक पीपलको बोटमा खसेको बिजुलीको ३३ केभिए भोल्टको तारका कारण करेन्ट लागेर गम्भिर घाईते भई उपचारको क्रममा गत जेठ १६ गते मृत्यू भएको थियो ।

स्थानीय रफिद नदाफको वर्ष १२ का छोरा सिराजुल नदाफ आफ्नै गाउँ बाहिर रहेको पीपलको बोट छुँदा करेन्ट लागेर आधि शरिर जलेको थियो । जलेर गम्भिर घाईते भएका नदाफलाई धनुषाधाममा प्राथमिक उपचारपछि विराटनगर रिफर गरिएको थियो । रकम अभावका कारण विराटनगरबाट पुनः जनकपुर अञ्चल अस्पतालमा ल्याएका नदाफलाई अवस्था विग्रीएपछि काठमान्डौको लागि रिफर गरिएको थियो ।

नदाफलाई उपचारको लागि काठमान्डौ लैजादै गर्दा बाटोमै मृत्यू भएको थियो ।

विद्युत प्राधिकरणको लापरवाहीका कारण नदाफको मृत्यू भएपछि स्थानीय स्तरबाट कानुनी रुपमा लिखित कारण र क्षतिपूर्तिको लागि सिफारिस गरिएपनि हालसम्म विद्युत प्राधिकरणले क्षतिपूर्ति दिन मानेका छैनन् ।

नगरपालिकाको वडा कार्यालय सहित पञ्जिकरण कार्यालयले समेत क्षतिपूर्तिको लागि सिफारिस गरेपनि हालसम्म क्षतिपूर्ति नपाउँदा उनका परिवार विच्चलीमा परेका छन । मृतक सिराजुल नदाफका बुवा रफिद नदाफले आर्थिक स्थित कमजोर रहेको तथा कमाउने एक मात्र छोराको विद्युत प्राधिकरणको लापरवाहीका कारण मृत्यू भएको भन्दै क्षतिपूर्तिको लागि कैयौँ महिनादेखि विद्युत कार्यालय धाईरहेका छन् ।

आफ्नो दैनिककी कार्य छाडेर नदाफ परिवार क्षतिपूर्तिको आसमा दिनदिनै विद्युत कार्यालय पुगेर क्षतिपूर्तिको लागि भनेपनि सिफारिस लिएर आउन भनेको तथा सिफारिस लिएर जाँदा पनि नटेरेको बताए ।

यस सम्बन्धी अन्य समाचारहरु

धनुषामा करेन्ट लागेर जल्यो नवयुवक, उपचारको लागि धरान रिफर

करेन्ट लागेर गम्भिर घाईते भएका नदाफको मृत्यू