१ सय २५ जेष्ठ नागरिक तथा अपाङ्गलाई हेल्पिङग ह्याण्डको सम्मान

न्यूज ब्यूरो, महोत्तरी । महोत्तरीको गौशालामा एक सय २५ जना जेष्ठ नागरिक तथा अपाङ्गलाई सम्मान गरिएको छ । हेल्पिङ्ग ह्याण्डस नेपालको आयोजना तथा गौशाला नगरपालिका वडा नं. ५ को सहयोगमा आयोजना गरिएको जेष्ठ नागरिक तथा अपाङ्ग सम्मान समारोहमा सो वडाका एक सय २५ जनालाई सम्मान गरिएको हो ।

सम्मान समारोहमा एक सय ७० वर्ष पुगेका बृद्ध, बृद्धा तथा स–साना बालबालिका उमेर समुह देखि बृद्ध अवस्था सम्मका अपाङ्ग व्यक्तिहरुलाई सम्मान गरिएको हो । गौशाला नपा वडा नं. ५ वडा कार्यालयमा आयोजित सम्मान समारोहमा गौशाला नगरपालिकाका उपप्रमुख आशा लामाले बृद्धबृद्धा बोझ नभई समाजलाई सही दिशामा मार्ग निर्देश गरेर डो¥याउने पथप्रदर्शक भएकोले सधै उच्च सम्मान प्रकट गर्नुपर्ने सुझाव दिएका थिए ।

कार्यक्रममा वडा नं. ५ का अध्यक्ष धर्वेन्द साहले बृद्ध अवस्थाको बो प्रत्येक व्यक्तिको जीवकालमा आउने भएकोले जेष्ठ नागरिकलाइ आफ्नो ठाउँमा राखेर हेर्न तथा सधै उच्च सम्मान प्रकट गर्न आग्रह गरे । अध्यक्ष साहले जेष्ठ नागरिकको लागि गौशाला नगरपालिका भित्र निर्माण हुने भनिएको बृद्धाश्रमका लागि आफ्नो वडाबाट आवश्यक सहयोग गर्न समेत तत्पर रहेको जनाए ।

हेल्पिङ्ग ह्याण्डस् नेपालका अध्यक्ष गोविन्द महतोको अध्यक्षतामा भएको सम्मान समारोह ईलाका प्रहरी कार्यालय गौशालाका प्रहरी निरिक्षक भोला भट्ट, सशस्त्र प्रहरीका प्रहरी निरिक्षक पशुपति पुरी, गौशाला नगरपालिकाका कर्मचारी सहितका व्यक्तिहरुको उपस्थिति रहेको थियो ।

सम्मान समारोहमा एक सय जेष्ठ नागरिक तथा पच्चिस जना अपाङ्ग व्यक्तिलाई दोसल्ला तथा प्रमाणपत्रका साथ सम्मान गरिएको हेल्पिङ्ग ह्याण्डस् नेपालका कार्यक्रम संयोजक हरिश्चन्द्र महतोले जानकारी दिए ।