धनुषामा आफ्नै छोराहरुले जिउँदै वृद्ध वुवालाई झाडीमा फालेर मारे !

न्यूज ब्यूरो, जनकपुरधाम । धनुषामा एक हृदयविदारक घटना बाहिर आएको छ । धनुषा जिल्लाको महेन्द्रनगर देखि बटेश्वर जाने बाटोको बेलाचापी नजीक आफ्नै छोराहरुले एक वृद्ध बुवालाई झाडीमा फालेर भागेका छन् ।

त्यहाँ स्थित सिमलको बोटको मुनी करिब ४ ५ दिन अगाडि आफ्नै छोराहरुले जिउँदै ती वृद्धलाई फालेको र गएराती मृत्यू भएको स्थानीयहरुले बताएका छन् । सो बृद्धलाई सिमलको बोटमुनी फालेर उनका छोराहरु भागेपछि स्थानीयहरुले खाना खुवाउँदै आएको थियो । तर गएराती छोराहरुको हर्कतको पीडा साहस गर्न नसकेर मृत्यूलाई अँगाले ।

यस्ता कुपुत्रहरुलाई कानुन बमोजिम कारवाहीको लागि मानवअधिकारकर्मी, युवाहरुले जागरुक हुनु जरुरी छ ।

मृतक वृद्ध धनुषाको बहेडा फूलगामा निवासी अन्दाजी ७५ वर्षिय रामचन्द्र महतो रहेको ईलाका प्रहरी कार्यालय महेन्द्रनगरले जनाएको छ ।
मृतक महतोको शवलाई पोष्टमार्टमको लागि जनकपुर अञ्चल अस्पताल पठाउने तयारी गरिएको छ भने उनका एक छोरा हरिलाल महतोको नाम मात्र खुल्न आएको र बाँकी ४ छोरालाई समेत बोलाएर अनुसन्धान गर्ने प्रहरीले जनाएको छ ।

वश्यक अवस्थासम्म ती वृद्धले आफ्ना छोराहरुलाई यतिको काबिल बनाएपनि ती कुपात्रहरु आफ्नै बुवालाई झाडीमा फालेपछि मानवता मरेकै हो भनेर उदाहरण हेर्न सकिन्छ ।