धनुषाको महेन्द्रनगरमा रेस्टुरेन्ट हटाएर 'डान्सबार' सँचालन

न्यूज ब्यूरो, जनकपुरधाम । धनुषाको महेन्द्रनगरमा डान्सबार संचालनमा ल्याएको छ । केही दिन अगावै मात्रै यौन व्यवसाय भईरहेको स्थानीयहरुको चर्को गुनासो बावजुद बन्द गराईएको अजनवी रेष्टुरेन्टबाट अजनवी डान्सबार मंगलबार भव्यताका साथ डान्सबार संचालन गरिएको छ ।

बार, राजपाका एक युवा नेता अजय कुमार राउतको आतिथ्यतामा उद्घाटन गरियो । कार्यक्रममा सहभािग पश्चात सामाजिक संजालमा फोटो र चल दृश्य साझा गरिएपछि विभिन्न किसिमका टिकाटिप्पणीहरु भईरहेको छ ।

तस्विरमा : पुरानो अजनवी रेष्टुरेन्टको झुपडी, महेन्द्रनगर बजारक्षेत्र देखि १०० मिटर दक्षिण र हाइवेभन्दा पश्चिम ।

सामाजिक संचालकै प्रतिकृयामा गजेन्द्र साह लेख्नुहुन्छ, 'नाम मात्र डान्स बार होला तर त्यहा त्यही पुरै कार्य हुन्छ होला जुन पहिला जुपडी मा हुन्थियो सायद ।' त्यसैगरी फेसबुकमा स्ट्रङ्ग हर्ट सन्नी जी लेख्नुहुन्छ, 'एक हात से झोपरी निकाल्ली दोसर हात से फिता कटैकटैछि गजब छै, अगर फिता कटके छल त झोपरी कैला निकाल लि यौ सरकार ।'

स्थानीयबासीहरुका अनुसार, डान्सबारका नाउँमा फेरी यौन व्यवसाय नै हुने अनुमान गरिएको छ । अजनवी रेष्टुरेन्टबाट अजनवी डान्सबार मात्रै परिवर्तन भएको र संचालक पनि सोही व्यक्ति रहेको हुनाले यस्ता किसिमका शंका आशंका स्थानीयहरुको छ ।

महेन्द्रनगर बजार क्षेत्रभित्रै सो डान्सबार संचालन भएको हो । विगतमा उक्त रेष्टुरेन्ट बुधेश्वर महतोले चलाउँदै आएको थियो भने हालमा पनि डान्सबारका संचालक पनि उ नै हुन् ।

केही महिनाअघि मात्र स्थानीय जागरुक युवाहरु, नागरिक समाजको सँयुक्त पहलमा उक्त झोपडीहरुमा यौन व्यवसाय भइरहेको भन्दै समाजिक रुपमा विकृति मान्दै रेष्टुरेन्ट बन्द गराइएको थियो ।