असोज १६ देखि आन्दोलन गर्ने प्राधिकरणलाई मिटर रिडरहरुको चेतावनी !

न्यूज ब्यूरो, जनकपुरधाम । लामो समयदेखि मिटर रिडर मा काम गर्दै आएका कर्मचारीको मागलाई नेपाल विद्युत प्राधिकरणले बेवास्ता गरेको भन्दै आन्दोलनको चेताबनी दिइएको छ ।

यसअघि ७ दिन पहिलो केन्द्रिय कार्यकारी निर्देशक कुलमान घिसिङ र ऊर्जा, जलस्रोत तथा सिँचाइ मन्त्री वर्षमान पुन समक्ष गई ध्यानाकर्षण पत्र दिदै स्मरण गराउदै आएपनि आफूहरुको माग उपर कुनै चासो नलिएको भन्दै असोज १६ मँगलबारदेखि आन्दोलन गर्ने चेतावनी दिएका हुन ।

विद्युत प्राधिकरणले मिटर रिडरलाई प्रतिघर गोटागन्तीका हिसाबले ३ रुपैयाँदेखि ४ रुपैयाँसम्म दिँदै आएको छ ।

प्राधिकरणले अहिलेसम्म यसबारे कुनै प्रतिक्रिया दिएको छैन । प्राधिकरण तथा व्यवस्थापनले मागको सुनुवाई नगरेपछि देशभरका मिटर रिडर कर्मचारी आषोज १६ गतेदेखि जनकपुर क्षेत्रीय कार्यालय र बिराटनगर क्षेत्रीय कार्यालय मा संगठित हुने भएका छन् । कार्यकारी निर्देशक कुलमान घिसिङसँग मागबारे असोज ४ गतेनै ध्यानाकर्षण पत्र बुझाएको छौ र साथै विभिन्न अधिकारिक संघ र ने.बि.प्रा. कर्मचारी युनियन र ने. बि. प्रा. कर्मचारी संगठन संयुक्त र कर्मचारी कल्याण परिषद समेत लाई ध्यानाकर्षण गराएका छौ र सुनुवाई नभए आन्दोलन गर्ने चेतावनी छ । एक मिटर रिडरले न्यूज ब्यूरोसँग भने ।

विद्युत प्राधिकरणले मिटर रिडरलाई प्रतिघर गोटागन्तीका हिसाबले ३ रुपैयाँदेखि ४ रुपैयाँसम्म दिँदै आएको छ । गोटागन्ती हिसाबले पारिश्रमिक पाउँदै आएका मजदुर र प्राबिधिक मजदुरसँग मिलेर ज्यालादारीका रुपमा काम गर्न पाउनुपर्ने भन्दै आन्दोलन गरिरहेका थिए । तर, आफूहरुसँगै आन्दोलनमा रहेका मर्मत प्राबिधिकहरुलाई ज्यालादारीमा राखेपनि मिटर रिडरहरुलाई भने गोटागन्तीकै हिसाबमा राखेको छ ।

पहाडी जिल्लाहरुमा मिटर रिडर ज्यालादारीमा छन् । तर, क्षेत्रीय कार्यालय, बिराटनगर र जनकपुर अन्तरगत रहेका लगभग ३ सय ५० को हराहरी मा मजदुरले भने ज्यादारी रुपमा काम गर्न नपाएको ८ बर्षदेखि महोत्तरी को जलेश्वर बितरण केन्द्र अन्तरगत मिटर रिडरको काम गर्दै आएका मिटर रिडर संघर्ष समिति को उपाध्यक्ष सुनिल पासमान र मिटर रिडर संघर्ष समिति को सचिव उजवल झाले जानकारी गराएका छ्न ।