राजदेवी पूजाको लागि मूल समिति गठन, मेला सँयोजकमा शर्मा

न्यूज ब्यूरो, जनकपुरधाम । प्रत्येक वर्षझै यसपाली पनि जनकपुरधाममा माता राजदेवी पूजा धुमधामका साथ मनाइने भएको छ । भव्यताका साथ दशैँमा मनाइने राजदेवी मेला सँयोजकमा रवि कुमार शर्मालाई चयन गरिएको छ । साधारणसभाबाट शर्मालाई मेलाको मनोरञ्ज मूल समितिको सँयोजकमा चयन गरिएको हो ।

प्रत्येक वर्ष स्थानीय महाविर युवा कमिटिको सक्रियतामा आयोजन गरिने राजदेवी पूजाको लागि समिति गठन गरिएको छ । गत शनिबार गोरखाको मनकामनामा सम्पन्न ५० औँ साधारणसभाबाट पूजालाई सफलतापूर्वक सम्पन्न गर्नको लागि विभिन्न समिति उपसमितिहरु चयन गरिएको छ ।

राजदेवी पूजाको मूलपूजा संयोजकमा रंजन जायसवाल, बिजया दशमी संयोजकमा अजित शर्मा, सुरक्षा समिति संयोजकमा मुकेश कुमार शाह, भोग प्रसाद संयोजकमा सोनु कुमार शाह, भजन संध्या संयोजकमा बिक्रम कुमार शाह, भव्य सृगार संयोजकमा मुन्ना नागबन्शि, खोइछ भराई संयोजकमा आन्नद कुमार शाह, नास्ता व्यवस्थापन समिति संयोजकमा चन्दन नागबन्शी, लाईन व्यवस्थापन संयोजकमा दिलिप कुमार शाह, रावन बध संयोजकमा भरत शाह, सरसफाई संयोजकमा प्रदिप शाहलाई चयन गरिएको हो ।

मंगलवार कार्यसमितिको बसेको बैठकबाट (काल रात्री) बोका बली ठेहा संयोजकमा मोहन कुमार साहलाई चयन गरेको जनाएको छ ।

यस्तै, राजदेवीमा दिइने बली प्रदानको लागि ठेहा सँयोजक चयन समेत गर्ने गरिन्छ । यसपाली ठेहा सँयोजकमा मोहन कुमार साहलाई चयन गरिएको हो । ५० औं साधारणसभामा राजदेवी पूजालाई अझैं भव्य बनाउन विभिन्न निर्णयहरु गरेको थियो । ठेहा संयोजकका लागी साधारणसभाले वर्तमान कार्यसमितिलाई जिम्मा लागएको थियो । ठेहा संयोजकमा दिपक साह र मोहन कुमार साहको नाम चर्चामा आएको थियो ।

विभिन्न संघ सँस्थाहरुले राजदेवीमा गरिने बली प्रदान (बोका बली) को विरोध गर्दै आएपनि बोकाबली दिइने श्रद्धालुहरुको सँख्या प्रत्येक वर्ष बढदै गएको देखिएको छ । जीव हत्या पाप हो भन्दै नारा सहित गायत्री परिवार, जानकीजीको बहिनी लगायतका सँस्थाहरुले जनकपुरधाममा बोका बली अन्त्य हुनुपर्ने माग अघि सार्दै आएको छ ।