सार्वजनिक हितको विषयमा नगरपालिकाले कर वृद्धि गरेको छैन : कान्छो मेयर

न्यूज ब्यूरो, जनकपुरधाम । मुलुककै कान्छो मेयर उदय कुमार बरबरियाले नगरपालिका भित्र सार्वजनिक हितको विषयक शिर्षकमा कत्तै पनि कर वृद्धि नगरिएको स्पष्ट पारेका छन् ।

शहिदनगर नगरपालिका भित्र संचालित मदिरा पसलहरुमा हल्का कर वृद्धि गरिएपनि समान्यत समाजिक चासो समाजिक हितको विषयगत शिर्षकहरुमा कर वृद्धि नगरिएको उनले बताएका छन् । शनिबार नगरपालिकाको वडा नं. ४ ननुपट्टीमा एक सहकारी सँस्थाको साधारण सभामा बोल्दै मेयर बरबरियाले जनतालाई गाह्रो हुनेगरी तथा बाहिर चलेको कर वृद्धिको हल्ला जस्तो केही पनि वृद्धि नगरिएको स्पष्ट पारे ।

संघीय सरकारले स्थानीय तहमा जनताको ढाड भाँचिने गरी गरिएको कर वृद्धिले स्थानीय तहका जनताहरु त्रसित र असमान्य महसुस गरिरहेको बेला धनुषामा शहिदनगर नगरपालिकाले सरकारको आदेश बमोजिम भने कर वृद्धि नगरेको हो ।

जय माँ कमलेश्वरी मत्स्य सहकारी संस्था लिमिटेडले तेस्रो साधारणसभाको प्रमुख आतिथ्यको आसनबाट बोल्दै मेयर बरबरियाले सहकारी सँस्था स्थानीय तहमा समाजिक टेवाको कार्य गर्नमा मदत गरिरहेकोले सहकारी सँस्थालाई उकास्न आफू सक्दो प्रयास मात्र होइन माथि नै उकास्ने प्रतिवद्धता जाहेर गरे । श्यामदेब मुखियाको अध्यक्षतामा भएको उक्त कार्यक्रममा नगर प्रमुख बरबरियाले शुभकामना दिदै आगामी दिनमा सफलताको कामना समेत गरे ।

उनले भने, "सहकारी संस्थालाई उकास्न म सधैँ तत्पर रहेको छु, शहिद नगर नगरपालिकामा कुनै पनि किसिमको कर लागू भएको छैन, तपाईहरु भ्रममा नपर्नुस् नगरपालिका स्थापना भएको एक बर्ष बितिसक्यो तर तपाईले कति कर तिर्नु भएको छ त ? मलाई भन्नुस्, नगरपालिकाले त्यस्तो कुनैपनि किसिमको कर लागू गरेको छैन जसले जनतामा त्रास होस वा गाह्रो यसमा स्पष्ट पार्न चाहन्छु ।"

कार्यक्रममा जिल्ला सहकारी सँस्थाका धनुषा अध्यक्ष ध्रुव नारायण यादवले नागरिक विकासको लागि सहकारीमैत्री ऐन ल्याउनुपर्ने जीकिर गरे । कार्यक्रममा विशेष अतिथिको आसनबाट बोल्दै यादवले समाजिक विकासको लागि सहकारी मैत्री विकास को खाँचो समेत औल्याउँदै सहकारी शुद्धिकरण र व्यवस्थापन गर्नु आजको आवश्यकता रहेको थपे ।

सहकारी सँस्था समुदायिक सँस्थाको रुपमा स्थापित भइसकेको अवस्थामा यसप्रतिको जनसाधारणको चासो बढाउन सहकारी ऐन र प्रोत्साहनको लागि थप कार्यक्रमको आवश्यकता रहेको बताए । सो कार्यक्रममा सहकारीका प्रतिनीधि, स्थानीय , युवा, महिलाहरुको सक्रिय सहभागिता रहेको थियो ।