सिरहामा दुईवटा मोटरसाईकल ठोक्किदा एकजनाको ज्यान गयो

न्यूज ब्यूरो, सिरहा । सिरहामा मोटरसाईकल दुर्घटनामा परी एकाजनाको ज्यान गएको छ । सिरहाको सुखिपुर बरियारपट्टी सडकखण्ड अन्तर्गत सुखिपुर नगरपालिका २ छजनामा शुक्रबार दुई वटा मोटरसाईकल एकापसमा ठोक्किदा एक जनाको मृत्यु भएको हो ।

स. ९ प. १११ नम्बरको मोटरसाइकल र स. २ प. १३०९ नम्बरको मोटरसाइकल एकआपसमा ठोक्किदा स. ९ प. १११ नम्बरको मोटरसाइकलका चालक बरियारपट्टी गाउँपालिका ४ सोहपुरका बिकाउ यादबको उपचारको क्रममा मृत्यु भएको प्रहरीले जनाएको छ ।

स. २ प. १३०९ मोटरसाईकलमा सवार धनगढीमाई नगरपालिका ५ निमचोकका रामपृत महतोका २६ बर्षीय छोरा राम उदगार महतो समान्य घाइते भएको प्रहरीले जनाएको छ ।