डा. सिके राउत जनकपुरधाममा, शहिदप्रति गरे श्रद्धाञ्ली र सम्मान !

न्यूज ब्यूरो, जनकपुरधाम । स्वतन्त्र मधेस गठबन्धनका सँयोजक डा. सिके राउत आखिरसम्म जनकपुरको कार्यक्रममा सहभागी भएका छन् ।

चलु जनकपुर भरु जनकपुर कार्यक्रमलाई विथोल्न नेपाल प्रहरीले अथक प्रयास गरेपनि अन्तोअन्त डा. सिके राउतले कालो दिवसमा सहभागी हुँदै मधेसी शहिदहरुप्रति सम्मान गरेका छन् ।

सिके राउतले जनकपुृरधाममा आफ्नो शक्ति देखाएका छन् ।

डा. सिके राउतलाई पक्राउ गर्न धनुषा सहित आसपासका जिल्लाका प्रहरी व्यापक सँखयामा खटाउँदै उनलाई खोज्दै सर्च अभियान समेत चलाइएको थियो । तर प्रहरीको कडा निगरानी र सुरक्षाबीच डा. सिके राउत आखिरकार कार्यक्रममा सहभागी भएका छन् ।

गाउँ गाउँबाट जनकपुरधाम आएका हजारौँ हजार सँख्यामा कालो दिवस तथा सिके राउतलाई स्वागतको लागि सर्वसाधारण युवाहरु जनकपुरधाम तताएका छन् ।