महोत्तरीमा निशुल्क अपांगता परिक्षण घुम्ती शिविर हुने

न्यूज ब्यूरो, महोत्तरी । महोत्तरीको दुई स्थानमा आँउदो असोज ७ र ८ गते शारीरिक निशुल्क अपाङ्गता परिक्षण घुम्ती शिविर हुने भएको छ ।

नेपाल नेत्रहिन पुर्नरस्थापना कार्यक्रम महोत्तरीको आयोजनामा धुंलीखेल अपाङ्गता बाल अस्पताल तथा पुनरस्थापना केन्द्रका विशेषज्ञ चिकित्सकहरु द्धारा महोत्तरीको बर्दिबास—१ मा रहेको देउराली मा.वि. मा असोज ८ गत्ते सोमवार र जलेश्वर—७ मा रहेको बख्रीभाट मावि मा असोज ७ गत्ते आईतवार शिविर सञ्चालन गरिने नेपाल नेत्रहिन पुनरस्थापना कार्यक्रम महोत्तरीका निर्देशक अमृत राईले जानकारी दिए ।

शिविरमा १८ वर्ष भन्दामुनीका अपाङ्गता भएका बालबालिकाले सेवा लिन सक्ने छन् ।

शिविरमा जन्मजात वा पछि खुट्टाको पैतला भित्र÷बाहिर फर्केको, खुट्टालुलो र कमजोर भएको हाड जोर्नी तथा नसा रोग लगायतका रोगहरुको परिक्षण गरिने छ ।

शिविरमा कृत्रिम अङ्ग र सहायक उपकरणहरुको आवश्यकता भएकाहरुलाइ निशुल्क उपकरण बितरण गरिने बताइएको छ । शिविरमा आउन नसक्ने बालबालिकाहरुलाई विशेष व्यवस्था गरी उपचारमा सहभागी गराइने भएको छ ।

महोत्तरीमा अपाङ्गता हुनेहरुको संख्या १८ हजार रहेको छ ।