बलिवुड कमेडिका बादशाह 'गोविन्दा' आफ्नो ससुराली काठमान्डौँमा  !

न्यूज ब्यूरो, काठमान्डौँ । हिन्दी सिने जगत बलिवुडका सुपर स्टार कास्ट एवम् हाँस्य जगतका बादशाह गोविन्दा नेपाल आएका हुन् ।

काठमान्डौँमा आयोजन हुन लागेको एक सिने सर्कल अवार्डमा सहभागी हुन अभिनेता गोविन्दा र उनकी छोरी टिना आहुजा शनिबार दिउँसो काठमाडौँ आइपुगेका हुन् । काठमान्डौँमै ससुराली रहेका कमेडी वादशाह अभिनेता गोविन्दा आफ्नी श्रीमति सहित पुरै परिवार नै आउने भनिएपनि स्वास्थ्यमा देखिएको समस्याका कारण उनको श्रीमति आउन नसकेको जनाइएको छ ।

त्रिभुवन अन्तराष्ट्रिय विमानस्थलमा गोविन्दाले सञ्चारकर्मीसँग कुरा गर्दै नेपाल आफ्नो ससुराली घर पनि रहेकाले रमाइलो लाग्ने बताए । यहाँको परम्परालाई लक्षित गर्दै गोविन्दाले ससुरालीमा रमाइलो हुने बताएका थिए ।