महोत्तरीको श्री प्रसाद सिंह माबिको सामाजिक प्रतिबेदन सार्वजनिक

न्यूज ब्यूरो, महोत्तरी । महोत्तरीको औरही नगरपालिकामा अवस्थित श्री प्रसाद सिंह माबिको सामाजिक प्रतिबेदन सर्वजनिक भएको छ । औरही नगरपालिका २ मा रहेकोे श्री प्रसाद सिंह माबिको प्रांगनमा विद्यालय व्यबस्थापन समितिको अध्यक्ष नरेन्द्र यादवको अध्यक्षतामा बसेको बैठकबाट प्रतिवेदन सार्वजनिक गरिएको हो ।

आ.ब २०७४ र ७५ तथा शैक्षिक वर्ष २०७४ को समाजिक परिक्षण प्रतिबेदन सार्वजनिक भएको छ । औरही नगरपालिका २ का विभिन्न पार्टी प्रतिनिधि, शिक्षाप्रेमी, अबिभावकहरु र श्री प्रसाद सिंह माबिका शिक्षकहरुको उपस्थितमा २०७४ र ७५को तथा शैक्षिक वर्ष २०७४ को समाजिक प्ररिक्षण प्रतिबेदन प्रस्तुत गरिएको विद्यालयका प्रअ शिवशरण यादवले बताए ।

शिक्षक कर्मचारीको तलबमा ७९ लाख, बिद्यालयको ग्रिल र पर्खालमा ६ लाख, बिद्यालयको प्रयोगशाला, पुस्तकालय र भवन निर्माणमा ७ लाख ३० हजार खर्च भएको प्रतिवेदन प्रअ यादवले प्रस्तुत गरे ।

त्यसैगरी अन्य शिर्षकहरुमा मिलाएर जम्मा १ करोड ६२ लाख ५८ हजार खर्च भएको विद्यालय व्यबस्थापन समितिका अध्यक्ष नरेन्द्र यादवले जानकारी दिए ।