सर्लाहीमा ३० हजार बढी बालबालिका विद्यालय बाहिर

न्यूज ब्यूरो, सर्लाही । आज देशभरका विभिन्न जिल्लाभरमा राष्ट्रिय बाल दिवस मनाइरहँदा सर्लाहीमा भने अझै ३० हजार भन्दा बढी बालबालिका विद्यालय बाहिर रहेको तथ्यांक सार्वजनिक भएको छ ।

चरम गरिबीका कारण उनीहरु अहिले पनि विद्यालय बाहिर रहन बाध्य भएका हुन् । जिल्लामा ३९ प्रतिशत महिलामात्रै साक्षर छन् भने ६०.३० प्रतिशत पुरुष साक्षर रहेको जिल्ला शिक्षा समन्वय इकाइ सर्लाहीको तथ्यांकमा उल्लेख छ ।

पटक–पटक भर्ना अभियान सन्चालन गर्दासमेत जिल्लामा २५ हजार ५१५ जना उमेर पुगिसकेका बालबालिका विद्यालय बाहिर रहेका हुन् ।

उनीहरु अहिलेपनि बाल मजदुरकारुपमा विभिन्न ग्रील उद्योग, होटल, इँटाभट्टा उद्योग तथा अरु जोखिमपूर्ण काम गरिरहेका जनाइएको छ ।