हराएको पाचौं दिनसम्म पनि भेटेन छोरा, आमाको विजोग

न्यूज ब्यूरो, महोत्तरी । गत मंगलवार सम्पर्क विहिन भएको जेठो छोरा रितिक अझै फेला नपरेपछि आमाको विजोग छ । उनले विगत पाच दिन देखि अन्न खाएकि छैनन ।

जलेश्वर नगरपालिका वडा नं. २ बुद्धिजिवी चोकबाटै हराएका रितिक यादवको खोजतलासमा प्रहरी तथा आफन्त तथा युवकका वुवा समेत भौतारिरहेपनि अझै छोरा वारे कुनै जानकारी प्राप्त नभएपछि आमा हतासिएकि हुन ।

दुई छोरा मध्ये जेठो छोराको चोकमा झगडा परेको तर सो पछि छोरा नफर्केपछि युवकका पिता छोलालाई खोज्न नेपाल तथा भारतका विभिन्न स्थानमा भौतारिरहेका छन । छोरा हराए देखि नै उनका सवै आफन्त तथा प्रहरी समेत रितिकको खोजविनमा सकृय रहेपनि उनी सम्पर्कमा आएका छैनन ।

मंगलवार करिव ३ बजे अपरान्ह नै जलेश्वर २ स्थित बुद्धिजिवी चौकमा स्थानिय केहि युवाहरुले कुटपिट गरेको र सोहि लगतै उनी परिवारसंग सम्पर्क विहिन रहेको प्रहरीको भनाई छ । चौकमै कुटाई खाएपछि उनी न त विद्यालय पुगे न घर नै ।

नेपाल लेखापढी कानुन व्यवसायी एशोसिएसन मालपोत इकाइका पुर्व अध्यक्ष रामवावु यादवका जेठा छोरा करिव १६ वर्षिय रितिक जलेश्वर स्थित लक्ष्मी चण्डी मुरारका माध्यमिक विद्यालय(ल.च.मु.)मा कक्षा १० मा अध्ययनरत छन । उनी एनसिसिको क्याडेट समेत रहिसकेका छन ।

सम्सी गाउपालिका वडा नं. ५ संग्रामपुर र जलेश्वर नगरपालिका वडा नं. ३ खैरामा समेत घर रहेका रितिकको खोजीमा प्रहरी र परिवार समेत लागेपनि उनको वारे पत्ता लाग्न सकेको छैन । यता जिल्ला प्रहरी कार्यालयका प्रवक्ता डिएसपी खगेन्द्र वहादुर खड्काले युवकको खोजी द्रुतगतिमा भैरहेको र चाडै उनी सम्पर्कमा आउने बताए । प्रहरीले झगडा परेका युवाहरुलाई सोधपुछ गरेपनि युवकको वारे कुनै तथ्य फेला पर्न सकेको छैन ।