'शहिद सूर्यनाथ रान अस्पताललाई यहाँको  लागि नमुना र सँजीवनी बनाउँछौँ ': कान्छो  मेयर

न्यूज ब्यूरो, जनकपुरधाम । मूलुककै कान्छो मेयर उदय कुमार बरबरियाको प्रयासले आउँदो असोज ४ गते उद्घाटन हुन गईहरेको शहिद सूर्यनाथ रान स्मृति अस्पताललाई नमुना बनाउने प्रतिवद्धता जाहेर गरेका छन् ।

धनुषाको शहिदनगर नगरपालिकाका मेयर एवम् देशकै कान्छो मेयर भनेर चिनिने बरबरियाले त्यस क्षेत्रमा शहिद सूर्यनाथ रानको देन र योग्दानलाई कदर गर्दै उनको नाममा अस्पतालको नामाकरण गरिएको छ । करिब ७ वर्ष अघि देखि नै नगरपालिकाको वडा नंं ८ डुमरियामा निमार्णधिन रहेको उक्त अस्पताल सुरु हुनुभन्दा अघि नै जीर्ण बनेपछि बरबरियाले त्यसलाई जीवन्तता प्रदान गरेको बताइएको छ ।

विहिबार बसेको मन्त्री परिषद्को बैठकबाट यसअघि डुमरिया अस्पताल नाम राखिएको उक्त अस्पतालको नाम परिवर्तन गर्दै शहिद सूर्यनाथ रान स्मृति अस्पताल नाम राखिएको छ भने कैयौँ वर्षदेखि प्रतीक्षामा मात्र रहेको उक्त भेकका जनताहरुले बरबरियाको प्रयासले कुशल अस्पताल र कुशल सेवाको लागि सुविधा पाउने भएको छ ।

यो अस्पताल शहिदनगर नगरपालिका भित्र निर्माण गरिएको छ । डुमरियामा शहिद सूर्यनाथ रानको स्मृति पार्क समेत बनाइएको छ । क्रान्तीकारी नेताको रुपमा परिचित उहाँले शहादत दिएपछि उक्त भेकका जनताहरुको माया, मोह र स्नेह देखेरै उक्त अस्पतालको नाम उहाँकै स्मृतिमा राखिएका छौँ । १५ सैयाका अस्पताल सुरु हुँदैछ । कमला नदि छेउका ब्याकवार्ड गाउँहरुका अल्पसँख्कय, दलित, विपन्न परिवारको लागि यो अस्पतालको सुविधा संजीवनी साबित हुनेछ, यो मेरो विश्वास छ र ठोकुवा गर्छु । उनले न्यूज ब्यूरोसँग भने ।

यदूकुहामा सँचालित अस्पतालभन्दा पनि वेंशी सुविधा सम्पन्न अस्पताल बनाउने योजना छ र त्यसको लागि तयारी पूरा भईसकेको छ । अति सफा सुग्धर र भौतिक पूर्वाधारले दुरुस्त त्यो अस्पताल सँचालनपछि वरिपरीका जनताहरुलाई जनकपुर धाउने बाध्यताको विलय हुने विश्वास लिइएको छ ।

नेकपाका केन्द्रीय सदस्य योग कुमार (श्रवण) बरबरियाले समेत यस अस्पतालको लागि दौडाहा लागेका थिए भने मन्त्रीपरिषदको बैठकबाट प्रधानमन्त्री, प्रचण्ड, शिक्षामन्त्री लगायतसँगको आग्रहपछि शहिद रानको स्मृतिमा अस्पताल सँचालन गर्ने निर्णय पारित गरिएको मेयर बरबरियाले जनाए ।

करिब ७ वर्षअघि नै नेकपाका नेता एवम् त्यसबेला स्वास्थ्यमन्त्री रहनुभएका मन्त्री गिरिराजमणी पोखरेलले यस अस्पताललाई शिलान्यास गर्नुभएको थियो । त्यसपछि माओवादीको सरकार हटेपछि अस्पतालको हालात दयनीय भएको थियो । बारम्बार आग्रह त्यसबेला देखि नै गर्दै आएपछि सुनुवाई र चासो लिइएको थिएनन, तर अहिले नेकपाको सरकार भएर हामीले आग्रह गर्ने सुवर्ण मौका पनि पायौँ र आग्रहपछिको परिणाम सबैको सामुन्ने छ । कान्छो मेयर बरबरियाले भने ।

असोज ४ गते उद्घाटन हुने उक्त अस्पतालको उद्घाटनको लागि प्रधानमन्त्री केपी शर्मा ओली समेत आउने प्रबल सम्भावना रहेको बरबरियाले बताए । उनले प्रधानमन्त्री केपी ओली, शिक्षामन्त्री गिरिराजमणी पोखरेल, नेकपाका अध्यक्ष प्रचण्ड समेत असोज ४ गते उद्घाटन कार्यक्रममा सहभागी हुन डुमरिया आउने बताए ।

६ करोड बढीको लागतमा निर्माण भएको उक्त अस्पतालमा चिकित्सकहरुको सुविधा पनि राम्रो मिलाइएको बताएका छन् । चिकित्सकहरुको लागि छुट्टाछुट्टै स्टाफ क्वार्टरको व्यवस्था, अपाँगको लागि विशेष सुविधा, विपन्न र गरिबकोल लागि भिन्नै सेवा सुविधाको व्यवस्था गरिएको मेयर बरबरियाले दाबी गरे ।

डुब्दै गरेको अस्पताल र आसा मर्दै गरेको जनतालाई उक्त अस्पतालको सँचालनपछि बरबरियाले नयाँ जीवनदान नै प्रदान गरेको स्थानीय शिवचन्द्र रानले बताए ।