शहिद सूर्यनाथ रान स्मृति अस्पतालको उद्घाटन असोज ४ मा हुने

न्यूज ब्यूरो, धनुषा । धनुषाको शहिदनगर नगरपालिका वडा नं. ८ डुमरियामा नव निर्मित शहिद सुर्यनाथ रान स्मृति अस्पताल अन्तत सँचालनमा आउने भएको छ ।

कैयौँ बर्षदेखि निर्माणधीन र जीर्ण अवस्थामै रहेका उक्त अस्पतालको लागि विहिबार बसेको मन्त्रीपरिषद बैठकले डुमरियामा निर्मित अस्पताल भवनमा प्राथमिक तहको १५ शैयाको अस्पताल स्थापना गर्न सैद्धान्तिक स्वीकृति दिने निर्णय गरेको हो ।

सो अस्पतालको नाम शहीद सुर्यनाथ रान यादव स्मृति अस्पताल राखिनेछ । नेकपाका केन्द्रिय सदस्य जोग नारायण बरबरिया (श्रवण बरबरिया) को विशेष पहलमा उक्त अस्पताल निर्माण लगायत नामाकरण परिवर्तन भएको हो, साथै आउदो असोज ४ गते सुर्यनाथ रान स्मृति अस्पतालको उदघाटन हुने तय भएको धनुषा शहिदनगर नगरपालिकाका मेयर उदय कुमार बरबरियाले जानकारी दिए ।

उक्त अस्पतालको निर्माण र सँचालनपछि पूर्वी धनुषाको सर्वसाधारणको लागि सँजीवनी साबित हुने विश्वास लिइएको छ । १५ सैयाको अस्पताल सँचालन भएपछि त्यस भेकका जनताहरुले प्रत्यक्ष लाभान्वित हुने देखिएको छ ।