कर वृद्धीको विरोधमा मिथिला नपाका सर्वसाधारण सडकमा

न्यूज ब्यूरो, धनुषा । धनुषाको मिथिला नगरपालिकामा कर वृद्धिको विरोध गर्दै नगरका सर्वसाधारण जनताहरु सडकमा ओर्लेका छन् ।

कर वृद्धि लाई न्यून गर्न माग गर्दै नेपाली कांग्रेसका नगरस्तरिय नेताहरुले ७ दिने अल्टिमेटम समेत दिएका छन् । नगरपालिकामा बढाइएको कर घटाउन माग गर्दै ७ दिने अल्टिमेटम दिएका हुन् ।

नेपाली कांग्रेस मिथिला नगर इकाइ समितिले करको दायरा बढाएको भन्दै क्षेत्रीय सभापति राजकुमार महतोको नेतृत्वमा पार्टीका नेता तथा कार्यकर्ताहरुको एक टोलीले नगरपालिकाका मेयर हरिनारायण महतोलाई ज्ञापन पत्र बुझाएका छन् ।

वृद्धि गरेको कर घटाउन भन्दै सयौंको संख्यामा पार्टीका नेता तथा कार्यकर्ताहरुले ढल्केवरमा नाराबाजी गर्दै मेयर महतोलाई ज्ञापन पत्र बुझाएका हुन् । ७ दिनभित्र आफूहरुको मागको सम्बोधन नभए नगरपालिकाविरुद्ध आफूहरु शान्तिपूर्ण आन्दोलन अगाडि बढाउने कांग्रेसका युवा नेता बुधेश्वर महतोले जनाएको छ ।