सिरहामा एक युवकद्धारा रुखमा झुण्डिएर आत्महत्या

न्यूज ब्यूरो, सिरहा । सिरहामा एकजना युवकले झुण्डिएर आत्महत्या गरेको छ । सिरहाको गोलबजार नगरपालिका–७ निबासी लटु महतोको २६ वर्षीय छोरा श्रवण कुमार महतोले विहीबार रुखमा झुण्डिएर आत्महत्या गरेको हो ।

विहीबार साढे ५ बजेको समयमा स्थानीय अरुण कुमार महतोको आँपको बगैँचामा गई रुखमा पासो लगाई आत्महत्या गरेको जिप्रका सिरहाले जनाएको छ ।

घरायसी विवादका कारण आत्महत्या गरेको हुन सक्ने प्रहरीले बताएको छ । मृतकको शव पोस्टमार्टमका लागि लहान अस्पताल लगिएको छ ।