सिरहामा एकजना पुरुषको हत्या !

न्यूज ब्यूरो |
सिरहा, २० भदौ । सिरहामा एकजना पुरुषको हत्या भएको छ । सिरहा नगरपालिका १९ सन्हैठामा एक दलित युवाको हत्या भएको हो ।

रक्षा बन्धनकै दिन आफ्ना वहिनीको घर गएका एक दलित युवाको बुधबार हत्या भएको छ । धारिलो हतियार प्रहार गरी सिरहा नगरपालिका वडा नम्बर २२ सागरपुर बस्ने ३२ वर्षीय राम उदगार सदायको हत्या भएको प्रहरीले जनाएको छ ।

हत्या भएका सदाय सिमावर्ती भारतको जोगियामा बस्ने वहिनी लोदरी सदाको घरमा गएका थिए । वैदेशिक रोजगारीबाट फर्किएका उनी पछिल्लो समय भारतको पंजावमा मजदुरी गर्दै आएका थिए ।

टोउकोमा धारिलो हतियार प्रहार गरेको र निधारमा चोटपटक देखिएको प्रहरीले जनाएको छ । सदायलाई हत्या गरी सन्हैठा–सहर्वा जाने बाटो छेउको धानखेतीमा पानीमा शव फालेको थियो । स्थानीयले शव देखिपछि प्रहरीलाई जानकारी गराएका थिए ।

३ छोरीहरु रहेको सदायको पारिवारीक अवस्था कमजोर रहेको स्थानीयले जनाएका छन् ।