धनुषाको लक्ष्मीनीयामा  गोली चल्यो, एकको अवस्था गम्भिर , प्रहरीको चेकजाँच कडा  !!!

न्यूज ब्यूरो, जनकपुरधाम । जनकपुर ढल्केवर सडकखण्डमा अज्ञात व्यक्तिले एक जनालाई गोली हानेको खवर प्राप्त भएको छ ।

गोली हानेर लक्ष्मीनियाँ गाउँपालिका वडा नं. ६ बस्ने ३५ बर्षिय सँजय शर्मा गम्भिर घाईते भएका छन् भने उनलाई उपचारको लागि जनकपुर अञ्चल अस्पताल ल्याइएको छ ।

शर्मालाई दाहिने कोखामा गोली लागेको छ तथा गोली हान्ने व्यक्ति गोली हानेर भागेको प्रहरीले जनाएको छ । गोली हान्ने व्यक्तिको खोजी तीव्र पारिएको छ भने जनकपुर सहित आसपासका क्षेत्रमा सुरक्षा अवस्था कडा पारिएको छ । राती करिब ९ :३० बजेको समयमा गोली चलाएको बुझिएको छ ।

गोली हान्ने व्यक्ति चढेको मोटरसाईकलको नम्बर पहिचान भएको जनाइएको छ । दुई दाजुभाई सबार एक मोटरसाईकलमा अज्ञात व्यक्तिले गोली चलाउँदा गम्भिर घाईते भएको जनाइएको छ ।

घटना भएलगत्तै जिल्ला प्रहरी कार्यालय धनुषाको टोली घटनास्थल पुगेको छ भने जनकपुर लगायत आसपासको क्षेत्रमा सुरक्षा अवस्था कडा पारिएको छ ।

यस घटना बारे विस्तृत विवरण आउन बाँकी छ । हामी अपडेटमा छौँ ।