धनुषामा एक युवकको बेबारिसे शव फेला !

न्यूज ब्यूरो, जनकपुरधाम । धनुषामा मृत अवस्थामा एक युवकको शव फेला परेको छ ।

धनुषाको पूर्वीउत्तरी सबैला नगरपालिका वडा नं. ९ स्थित कोल्हुवा मोडमा खेतको आलीमा शव फेला परेको जिल्ला प्रहरी कार्यालय धनुषाले जनाएको छ । प्रहरीको प्रारम्भिक जानकारी अनुसार उक्त शव सबैला नगरपालिका वडा नं. १० बस्ने बर्ष २२ आलम कवारीको रहेको छ ।

विहिबार विहानै स्थानीय एक किसान खेतमा जाँदा नहर देखि करिब ५०० मिटरको दुरीमा रहेको खेतको आलीमा कवारीको शव फालिएको देखेपछि प्रहरीलाई खवर गरेको थियो ।

कवारीलाई घाँटी थिचेर हत्या गरिएको हुन सक्ने प्रहरीको अनुमान छ । कवारीको घाँटीमा नील डाम देखिएको छ । यस घटनाको बारेमा थप अनुसन्धान भईरहेको ईलाका प्रहरी कार्यालय सबैलाले जनाएको छ ।