अपराधी समात्न प्रहरी र स्थानियको प्रयास जारी तर अझै भेटेन हत्यारा

न्यूज ब्यूरो, नेपाल । नौ महिने दुधे वालिकाको हत्या गरि फरार अभियुक्त समात्न प्रहरी र स्थानियहरुको टोलीको अथक प्रयास जारी रहेपनि हत्यारा अझै पक्राउ पर्न सकेको छैन ।

प्रहरी,शसस्त्र प्रहरी तथा स्थानियको संयुक्त टोली जिल्ला भित्रको प्रत्येक उखुघारी देखि खेतको आली तथा विभिन्न गाउवस्तीहरुमा खोजतलाममै व्यस्त रहेपनि हत्यारा पकडमा आउन सकेको छैन । हत्यारा समात्न नै प्रहरीले अन्य जिल्लाबाट समेत थप मद्दत लिएका छन भने भारतिय काउण्टर पार्टलाई समेत सजग गराएको छ ।

यता दुधेवालिकाको हत्या आरोपीले प्रयोग गर्दै आएको मोबाईलले समेत सहि लोकेशन दिन नसक्दा अपराधी नियन्त्रण भन्दा वाहिर रहेको छ । भंगहा नगरपालिका वडा नं. ७ जमुनियाका करिव २५ वर्षिय भरत साहलाई बालिका अपहरण र हत्याको आरोपमा सयौको संख्यामा सुरक्षाकर्मी तथा स्थानियहरुले खोजी गरेका हुन ।

भंगहा नगरपालिका वडा नं. ६ निवासी आरोपी साह सिरहा कारागारमा चोरी तथा डाका मुद्दामा करिव चार वर्ष सजाय काटेर करिव पाच महिना पुर्व मात्र गाउ आएका थिए । आईतवार साझ आफ्नै पसलबाट अपहरणमा परेकि वालिकाको शव सोमवार अपरान्ह भंगहा नगरपालिका वडा नं। ७ मेघनाथ गोरहन्ना स्थित झाडीमा फेला परेपनि वालिका हत्यारा भने फरार भएका थिए ।

जिल्ला प्रहरी कार्यालय महोत्तरीका प्रवक्ता डिएसपी खगेन्द्र वहादुर खड्काले प्रहरी वालिका अपहरण वारे जानकारी पाएको वेला देखि नै पुर्ण सकृय भई गम्भिरता पुर्वक खोजबिन गरिरहेको बताए । उनले आरोपीको लोकेशन विभिन्न ठाउमा ट्रेस हुने गरेपनि टे्रस हुने गरेको स्थानमा पुग्दा समेत सफलता हात नलागेको बताए ।

यता हत्या आरोपीलाई स्थानियहरुले साइको जस्तो भनेपनि यत्रो प्रहरीलाई छकाउन प्रयास गरिरहेको अपराधी सातिर र पेशेवर रहेको उहाले वताए ।
जिल्ला प्रसासन कार्यालयमा ज्ञापनपत्रको चांग लाग्दनै यता जिल्ला प्रसासन कार्यालय महोत्तरीमा हत्यारा चाडै पक्राउ गर्न ज्ञापनपत्रको चांग लाग्न थालेको छ ।

विहिवारमात्र मृतक वालिकाका पिता तथा औरहीका नागरिक समाज र उद्योग वाणिज्यसंघ समेतले प्रमुख जिल्ला अधिकारी उमेश कुमार ढकाललाई ज्ञापनपत्र बुझाएका छन । ज्ञापनपत्रमा हत्यारालाई तत्काल पक्राउ गरि कार्यवाहीको दायरामा ल्याउन उल्लेख गरिएको छ ।

त्यसतै सामाजिक अभियन्ता निराजन झाले समेत प्रजिअ ढकाललाई वालिका हत्यारालाई सिघ्र पक्राउ गर्न ज्ञापनपत्र बुझाए । यता नेवी संघ महोत्तरीका युवाहरु समेतले ज्ञापनपत्र बुझाए ।

जिल्ला नै शोकमग्न ठाउ ठाउमा श्रद्धान्जली सभा :

हत्या गरिएकि वालिकाको आत्माको चिर शान्तीको लागि जिल्लाका विभिन्न स्थानमा मैनबत्ती जलाईएको छ । बालिकाको शव भेटिएको स्थल,औरही बजार तथा जलेश्वरमा मैनबत्ती जलाइएको हो भने ।

शुक्रवार रेडियो गौशालाले समेत श्रद्धान्जली दिन लागेको हो । त्यसतै बर्दिवास तथा अन्य क्षेत्रमा समेत श्रद्धान्जली सभाको तयारी भैरहेको छ ।