मिर्चैयाः मोटोपन नियन्त्रण गर्न घुर्मी बजारमा १० दिने योग शिविर सुरु

न्यूज ब्यूरो |

सिरहा, १४ भदौ । स्वस्थ एवं संस्कारयुक्त योगमैत्री समाज निर्माण गर्ने उदेश्यका साथ पतञ्जली योग समिति मिर्चैयाले योगा अभियानलाई निरन्तरता दिएका छन् । सोही अभियान अन्तर्गत पतञ्जली योग समिति मिर्चैयाले १० दिने मोटोपन घटाउने योग शिविर सञ्चालन गरेको छ ।

मोटोपन नियन्त्रण गर्ने हेतुले सिरहाको मिर्चैया नपा ९ घुर्मी बजारस्थित शिव मन्दिरमा शिविर सञ्चालन गरिएको पतञ्जली योग समिति मिर्चैयाका अध्यक्ष अकलदेव सिंहले जानकारी दिनुभयो ।

भदौ १३ देखि २३ गतेसम्म चल्ने सो शिविरमा मोटोपन नियन्त्रण गर्ने अभ्यास गराइने जनाइएको छ । योग शिविर विहान ४ः३० देखि ६ः३० बजेसम्म सञ्चालन भइरहेको आयोजकले जनाएको छ ।

योग शिविरमा पतञ्जली योग समिति मिर्चैयाका अध्यक्ष अकलदेव सिंहले योग प्रशिक्षण दिनेछन् । इच्छुक व्यक्तिलाई शिविरमा सहभागी हुन आयोजकले आग्रह समेत गरेको छ ।

योगले मानिसलाई स्वास्थ्य रहन मद्दत पुग्ने गरेका कारण योगप्रतिको आकर्षण दिनप्रतिदिन बढ्दै गएको देखिन्छ ।