सिरहामा रक्सीले मातेका छोराले आफ्नै बुबाको ज्यान लियो

न्यूज ब्यूरो |

सिरहा, ९ भदौ । सिरहामा एकजनाले रक्सीले मातेर आफ्नै बुबाको हत्या गरेको छ । सिरहाको लहान नगरपालिका–१८ मा एक जनाले रक्सीले मातेर आफ्नै बुबाको हत्या गरेका हो ।

शुक्रबार लहानको हाटबजारबाट रक्सी खाएर घर पुगेका २५ वर्षीय संजय सदाले आफ्नो बुबा ४५ वर्षीय उमेश सदायलाई कुटपिट गेरी हत्या गरेका हुन् । घाइते सदायलाई उपचारका लागि लहान ल्याए पनि उपचार सम्भव नहुदाँ विराटनगर रिफर गरिएको थियो ।

उपचारकै क्रममा उनको मृत्यु भएको इलाका प्रहरी कार्यालय लहानका डिएसपी राजेश थापाले बताए । कुन विषयमा बुबा छोराबीच विवाद भयो भन्नेबारे अहिलेसम्म खुल्न सकेको छैन डिएसपी थापाले बताए ।

उनका अनुसार हत्या आरोपित संजयलाई पक्राउ गरी नियन्त्रणमा राखिएको छ ।